اقوى من البوح بوح النفس راعيها

من القديم:
لتجديد التواصل

ولكم قبلها اطيب المنى
.

اقوى من البوح بـوح النفـس راعيهـا=صوت المشاعر بوسط الروح له ضجـه
بين المسافـات مـع رجـل ومماشيهـا=تبحث عن الدرب تتعـب ويـن تتوجـه
لاكثـرت اهـداف نفـسٍ زاد شانيـهـا=لا الوقت يرحـم والا الابـواب منهجـه
في لحظة الصمت بوح النفـس خافيهـا=يضيع وجه المطـر مـن قـوة العجـه
وتبقى القصايـد مـع روعـة قوافيهـا=والعشـق الاول قصيـده تكـره اللجـه
لا مافقـدت الامـل لا ماقـدر الغيـهـا=اركض ولا اركض اخطوط الوقت معوجه
لـو الامانـي فخـار وصعـب اداريهـا=الشوق وان طـول المشـوار والهجـه
باقـي وباقـي مـع الغيمـه سواقيهـا=تمطـر بهجـران والا للوصـل حجـه
ياكيـف نفـسٍ تلـوابـك وتشقيـهـا؟=يامايـس القـد غرقـان الهـواء نجـه
كـم مـرةٍ رد نفسـه عـن حراويهـا=يمـك ولا بـه طريـقٍ ماسلـك فجـه
كل الجهـات انـت والا فانـت نافيهـا=وين الطريق اللـذي ينسيـك ويسجـه
ضاعت ادروب الامـل ضيـع معانيهـا=دربٍ مشيتـه وذقتـه عـارفٍ زجــه
في غبـة الهـم كـم اقلـوب يرميهـا=والا فانـا موقفـي ثابـت ولا اوجــه
عـن يمتـك ماذخـرت دروب ناويهـا=ياأول العمر واغلى العمـر والسجـه
قصيـدةٍ مـانـت باولـهـا وتاليـهـا=تصرخ من الغيض باعلى الصوت محتجه

وهذه تحيتي
مع اسمى ايات الشكر فائق التقدير رعاكم الله

روعه كل بيت فيها احلا من الثاني
البدراني محمد
صح لسانك
ابدعت واتحفتنا بهذي
الرائعه
سلمت يمناك
وداام تميزك
احترااامي

صح لسانك يامحمد البدراني. قصيدة أكثر من رائعة. ومشكور بيض الله وجهك وتقبل تحياتي:

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

في لحظة الصمت بوح النفـس خافيهـا=يضيع وجه المطـر مـن قـوة العجـه

صح لسانك يابدراني

جازتلي

في لحظة الصمت بوح النفـس خافيهـا=يضيع وجه المطـر مـن قـوة العجـه

صح الله لسانك
ولاهنت
وسلم فكرك وبنانك
دمت برعاية الله وحفظة

الأخ الشاعر : محمد عبدالله البدراني
صح لسانك وعتلى شانك لقد امتعتنا في هذه الدرة الثمينة
لاهنت شكرا لك :

الشاعر محمد البدراني صح لسانك شاعر جزل من الشعراء المميزين في لملتقى
تحياتي وتقديري يابن العم الغالييييييييييييييي

الشاعر / محمد عبدالله البدراني

صح السانك وأعتلا شانك

وقديمك جديد يا أبو عبدالله

قافيه مميزه وقصيده رائعه

بيض الله وجهك وإلى الأمام,,

دمت بخير

الاخت العزيزه المتألقه سعوديه

سلمها الله

الف الف مليون شكر لمرورك الكريم المبهج


اسعدك الله اينما كنتي وحفظك


تحيتي وتقديري