. ( من جاوز الحاجز الممنـوع // ماظـن ياصاحبـي يـرشـد ) .

محمد عبيدالله الأحمدي=
لاشذ واحد عـن المجمـوع=دايـم كلامـه عليـه يــرد
ماينول مربـح ولا منفـوع=تنتقده النـاس مهمـا عـد
فيصل معتوق الأحمدي=
مني حسب طالع الموضـوع=والي خفـى ماعنـه منشـد
من جاوز الحاجز الممنـوع=ماظـن ياصاحبـي يـرشـد
محمد عبيدالله الأحمدي=
مادمت واقف على المشروع=مثلي .. نبي ندرسـه ونمـد
حتى نحارب هـذاك النـوع=وتكون .. يدي .. ويدك .. يد
فيصل معتوق الأحمدي=
أوزمتني والقضايـا فـروع=ياتـاج للمعـرفـة يـاعـد
جانا المثل محتمـي بـدروع=وش الذي فـي قفـاه مصـد
محمد عبيدالله الأحمدي=
الدرب قـدام مـاش رجـوع=وانته فرسـم الكـلام تسـد
معناي واضح ماهو متبـوع=بنحارب اهل الوهـم والعنـد
فيصل معتوق الأحمدي=
ماظنهـا تستقيـم ضـلـوع=فيها العوج من قديـم العهـد
خلي جنابـك عنـة مرفـوع=لايضيع وقتك معـة والجهـد
محمد عبيدالله الأحمدي=
ان ما لقـي رادع المخـدوع=جـزره يعـود علينـا مـد
ومن كـان للسيئـه مدفـوع=معقول ماينوضع لـه حـد!!
فيصل معتوق الأحمدي=
شـيٍ رسمنـاة فالمـبـدوع=ثابـت ولافـي عليـة مجـد
واعلم تراني معـاك فـزوع=لاشفت ذيـك الأمـور تشـد