ماكل جمله تستمعها مفيده

ياهاجسي جتني جروح ٍ جديده=شفني بهيجن شايل ٍ معي مسباح
أفزع كما يفزع عضيد لعضيده=وعطني بيوت ٍ تجلي الهم بافراح
يوم أني أضحك بالليال العنيده=ماودي الحق صيحة الصوت بصياح
القلب ينزف والمشاعر بليده=والليل زادت وحشته والقمر طاح
وهبت هبايب والعواصف شديده=والبرق يبرق والمطر ماله أرياح
من بعدها جتكم حروف القصيده=سبة خليل ٍ خاين ٍ وين ماراح
يانعنبو حب ٍ مشى في وريده=أنا أشهد أنه طاعن القلب برماح
اللي هجرنا ياعرب مانريده=أقولها صادق ولاني بمزاح
دام الغلاء والحب هذا حصيده=بعف عنه وذبح الود بسلاح
ماكل جمله تستمعها مفيده=ولاكل قفل ٍ تفتحه دون مفتاح
وأخر كلامي والعلم مانعيده=ماكل برق ٍ تتبعونه ليا لاح