انا بدوي واحب طاري البداوه

أنا بدوي واحب طاري البداوه =يامعذربين البدو مافيكم إحساس
قالو بدو قلت الصفى والنقاواه =يازين شوفتهم على الضوء جلاس
قالو بدو قلت الكرم والنخاوه =وأفعالهم فى ذمتى ترفع الراس
قالو بدو والبر فيه الشقاوه =قلت الوناسه عندهم فوق الاطعاس
قالو بدو ونشوف فيهم قساوه =قلت الخشونه يامعذرب لهم ساس
ابن البداوه صلف ما به رخاوه =اليا زهمته جاك ماهوب يحتاس
بينه وبين الاش حرب وعداوه =وحلفه مع أهل الطيب والاش ينداس
شف لك من البدوان واحد وخاوه =حتى تفرق بين مطلق وعباس
وان كان ما صدقت عالج وداوه =قلبك مريض وفيه حقد ٍ وسواس
فى مجلس البدوان تلقا حفاوه =وترحيبهم لضيوفهم ماله اقياس
يقدمون الطيب من عود جاوه =في سلمهم طيب ومعزه ونوماس
هذي فقط نبذه عن أهل البداوه =حبيت اوصلها لاجل تاصل الناس
الشاعر / محمد الحمرانى الهاجرى=

مشرفتنا الفاضلة سعودية
مشكورة على هذا النقل المميز وهذا الذوق الراقي
لاهنتي لك تقديري واحترامي

قصيده رائعه ...

واختيار موفق ..

وبارك الله فيك على هالطرح ..

مشكورة على هذا النقل المميز

صح لسان الهاجري
وسلمت أياديك ياسعودية
كل الشكر

مشكووووووووووور على النقل ,,,

مشكوره على هذه القصيده الرائعه
والله يعطيك العافيه

	المشاركة الأصلية كتبت بواسطة نافع الحربي

	مشرفتنا الفاضلة سعودية مشكورة على هذا النقل المميز وهذا الذوق الراقي لاهنتي لك تقديري واحترامي

شاعرنا نافع الحربي
شرفتني بمرورك العاطر
واطرائك محل تقديري
لاهنت لك احترااامي وتقديري