محمد ولـــد ميـــن؟؟؟؟؟؟

شاعر معزب والقوافي معازيم =يامرحبا وهلن هلا بالجزاله
ترحيبة ٍ فيها طناخة مخاريم=وعداد ماهل المطر من خياله
وعداد مانسمع يتاما مظاليم=من بعدها الشاعر يقدم سؤاله
إلى متى نضحك على محمد وريم=أطفال وسط الدار منهم عياله
يعني على ماقيل مابه تعاليم=العلم واضح لايطول جداله
هذي نهاية حبنا يالمفاهيم=نرمي نفوس ٍ عند باب البقاله
واللي يذوق الهم والغبن والضيم=ورع ٍ صغير ماعرف من خواله
من دق باب الناس يبشر بتكريم=دنس حلال ٍ دنسوله حلاله
الدين واضح به حلال ٍ وتحريم=واللي ترك شي ٍ يعوض بداله
انا المعزب والقوافي تقاسيم=أرسلتها لللاش يبرك جماله

الشاعر الرائع

احمد سليمان الجابري


صح لسانك على القصيده الرائعه التي
ناقشت بها موضوعا قد لايتجراء البعض على مناقشته
نعم أصبت فيما قلت فصح لسانك ورفع المولى شانك
وبيض الله وجهك

رائع يالجابرى مميز وقصيده جزله وصح لسانك

وعجبتى البيت الى يقول :
من دق باب الناس يبشر بتكريم
دنس حلال ٍ دنسوله حلاله

الشاعر / احمد سليمان الجابري
صح لسانك وسلمت يمينك

صح لسانك يا ابو سليمان

شاعر مبدع و متمكن

من الجزالة

صح لسانك ملايين على هذه القصيدة الجزلة

التي تشير إلى فئة مهمة بهذا المجتمع

و هم لاذنب لهم

صح لسانك وموضوع مميز

شاعرنا المبدع :احمد سليمان الجابري
لقد كتبت فأبدعت شكرا لك
لاهنت : تقبل تحياتي واحترامي

صح لسانك وبيض الله وجهك يالجابري

قصيدة هادفة وموضوع فريد

لك خالص التقدير

صح لسانك مليون على القصيده
والله يعطيك العافيه
بيض الله وجهك

الله يسترنا احياء و اموات
صح لسانك اخي احمد الجابري