الشاعر الكبير / نشمي بن حامد المويــــعــزي

الشاعر الكبير / نشمي بن حامد المويعزي
يرثي والده الشيخ / حامد بن هلال المويعزي رحمه الله

ياقـلـب جـعـل الله بعـونـه يعـيـنـك=على الحزن لا حط له فيك مرسـام
الحـزن هــزك لـيـن بـيّـح كنيـنـك=على فراق أغلى بشر بيـن الآنـام
حال القضـى يابـوي بينـي وبينـك=وأحلا سنيني روّحت مثل الأحـلام
عشت بكنفك سنين واليـوم وينـك=ياعـونـة الله ياتـصـاريـف الأيـــام
اقفـت عـن الدنيـا وعنـي سنيـنـك=لكـن خيالـك ماهجرنـي مـن الـعـام
لك صـورةٍ بالبـال تحـزن حزينـك=مرسومةٍ من دون ريشـه ورسـام
صـورتـك يــم المقـبـره شايليـنـك=تعـرض عليّـه كـل ليـلـه ولا أنــام
والصـوره الأخـرى تذكـر حنيـنـك=صـوره حقيقيـه تعيّشـنـي أوهــام
أقـلّـب الـصـوره واقـبّــل جبـيـنـك=وابكي وأنا مكسور خاطر ومنضام
أنـتـه دفـيـن القـبـر وأنــا دفيـنـك=ياللي غيابـك قسّـم ظنونـي أقسـام
لكـن عزانـا فيـك صيـتـك وديـنـك=وإلا فراقك صعـب يامحمـل الشـام
عسـى كتابـك تاخـذه فــي يميـنـك=آمـيـن يالله ذو الـجـلالِ والإكــرام
وبجنـة الفـردوس تقطـف يديـنـك=مالـذ لـك يابـوي مـن كـل الأنـعـام
يـاحـي يـاقـيـوم عـفــوك ولـيـنـك=في عبدك اللي كمّل أركان الإسلام
وياوقت ذقنـا منـك زينـك وشينـك=لكن رضينـا ماقضـى الله بالأحكـام
وياقلـب جـعـل الله بعـونـه يعيـنـك=في وقت لو طال الفرح فيـه مـادام

ناهس الشعيفاني
لاهنت وصح لسان الشاعر \نشمي ورحم الله اموات المسلمين

صح لسان الشاعر نشمي المويعزي

ورحم الله اموات المسلمين

ناهس

شكرا لك ويعطيك ربي العافيه

دمت اينما كنت

سلمت يمينك على هذا النقل والاختيار
وصح لسان الشاعر نشمي المويعزي
والله يرحم والده واموات المسلمين

الغااالي
مضحي بن جمران

ابوفارس
ابوصقر

مروركم عطرر صفحتي .......

لاهنت دايم وانت متميز بالقصايد الجزله الله يبيض وجهك على حسن الاختيار وصح لسان شاعرها نشمي المويعزي والله يرحم موتاهم وموتا المسلمين عامه

ناهس الشعيفاني
لاهنت وصح لسان الشاعر \نشمي ورحم الله اموات المسلمين

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك