(( واللي يدوّر حل للمستحيلي ... )) رد الشاعــــر : (( زيد الحصني ))

	المشاركة الأصلية كتبت بواسطة النرجسيه

	هذه قصيده مسنده الى الشاعر الكبير / زيد بن مبشر الحصني شاعر أتابعه واتعلم منه فهو بلا شك مدرسه شعريه في فن النظم يا زيد أبن مبشر بقاف ٍ مثيلي =.عنوانه الطيبه بذوق ولباقه سلام من بنت الكريم الأصيلي =.اللي بعالي نجد يرعى نياقه سلام لا بالله ماهو قليلي = واحلى من اللي حالي ٍ في مذاقه يا زيد شفنا منك شي ٍ جميلي =. صاير لسان الكل عند الملاقه الاوله مشكور شكر ٍ جزيلي= والثانيه لو كان عندك لياقه رد الجواب ان كان عندك دليلي=وعطني من الأزهار مقدار باقه ياخوك انا قلبي صويب وعليلي= مثل إبدوي ٍ فاقد العام ناقه ياخوك بعض الناس من عرض جيلي= اما سلمنا منه جنا نفاقه اليا سكتنا عنه جاب الرذيلي= وإن كان جادلناه صارت حماقه والحمد لله يوم بالي طويلي =ورجلي عن الشينات دايم معاقه أقدر الطيّب وأعده زميلي .= واعرف معايير الغلا والصداقه اقدره تقدير ماله مثيلي.=.وأسابقه بالطيب وأكسب سباقه اما الردي ماله مقام ونزيلي=الناس كل الناس تبغى فراقه اكثر علومه بين قال ٍ وقيلي=عنده طمان الهرج فن وحداقه ناس ٍ تعشق الطيب وتصهل صهيلي= وناس ٍ تعشق الشر دايم عشاقه والطيب ما يعرف خضيري قبيلي = الطيب بالطيّب تكون العلاقه والفرق واضح بين طيب وهزيلي = مثل السماء والأرض واسع نطاقه

بعد إطلاعي
على قصيدة الشاعرة :
(( النرجسية ))
أجبتها بهذه القصيدة التي كتبتها رغم إنشغالي .., وقد نقلت لي القصيدة المسندة سماعا ً
بالإضافة إلى أن إطلاعي عليها متأخرا ً ... وأعتذر عن أي خلل أو قصور دون قصد ...
فقـــــــــلت :

ماللأصيله غير أخوها الأصيلي=ولا للعـِلاقه غير أخوه العـِلاقه
النرجسيه جابت آخر موديلي=وتطرّقت طاروق ما هو سـِـراقه
وأنا من اللي لي ويش يغديلي=كل الحقوق مسجــّـله بالبطاقه
يامرحبا ترحيب نو ٍ ثقيلي=للبرق بعروض الخيال إنشعاقه
يفرحبه اللي كل ذوده هزيلي=ما عنده اللي ما يذوق ٍ ذواقه
لوالله أحلى من حلا السلسبيلي=على الكبود المرهقه عقب فاقه
ما أقول غير من الكثير القليلي=ترحيبة المشفي بشوق وشفاقه
يابنت ما ني للمشاكل كفيلي=آخذ جلال العلم وأترك دقاقه
لوا هجادي منك وآطول ليلي=أبحث عن الجوده برفق ورواقه
أحاول أقنع كل من يشتكيلي=اللي من الأجناب ومن الرفاقه
واللي يدوّر حل للمستحيلي=ماله سوى حل ٍ يضيــّق خناقه
عسى الثـّـقه من كل جانب حصيلي=والآدمي لولا الثـّـقه وش وثاقه
عندي ثقه في عملتي وبعميلي=ما أحمـّله مشروه خارج نطاقه
أرد كان الحق ماله بديلي=والكذب بظهار الحقايق زهاقه
ولاني برأيي حسب عرفي بخيلي=ولا أبادل الجاهل كفوف الحلاقه
عندي دليل إن الثـّقه ما يعيلي=ولابد للعاقل بوقت إنعزاقه
وأهل الكلام السيء ما أخلوا سبيلي=قبلك لحقني من غثاهم لحاقه
لو ضقت ما أشعل بالزناد الفتيلي=مرونتي خشنه ولاهي رقاقه
يابنت ما أشفي بالنميمه غليلي=أقول وأقابل بدون إدّراقه
ولا تجاملين مروّجين النقيلي=وراع النـّفاق يطق مع عظم ساقه
يعني على ما قيل مثل الرجيلي=وإن قيل هذا ليه؟ قولي حقاقه
يالنرجسيه لو مصابك جليلي=العود الأزرق جودته بإحتراقه
وتقبـّلي تحيتي وإسمحيلي=القاف متعبني بكثر إنطراقه

الشـــاعر :
(( زيـــد بـن مبشـــّـر الحصــني ))

يشهد الله انه رد وافي ومكمل

صح الساانك ياشاعر حرب

وراعيها


بيض الله وجهك

الأخ العزيز الشاعر :
(( زيد بن مبشر الحصني الحربي ))
صــــــــــــــح لســــــــــانك يابو فهد رد وافي وجمــّـل الله حالك , وبيض الله وجهك ...
قصيدة رائعة ووافية على قصيدة الأخت الفاضلة الشاعرة :
(( النرجسيـــــــــــــة ))
حفظكم الله تعالى جميعا ً ورعاكم برعايته

الله اكبر على القصيدة ياشاعرنا العلم زيد مبشر الحصني


صح السانك وعلي شانك

الشاعر

زيد بن مبشر الحصني الحربي

صح لسانك و كفيتو وفيت

الشاعر العلم زيد مبشر الحصني

صح لسانك وبيض الله وجهك على الرد الجميل والرائع

وفيت وكفيت

المدرسه الشعريه


زيد بن مبشر الحصني


صح لسااااااانك وعسى عمرك طويل يا شاااعر حرب

اخذت الحكمه من شخصكم الكريم

الف شكر لك على إمتاعي بهذا المداد الذي يشع نورا وجزاله

لله درك من شاعر يتشربه الشعر


تقبل تحية أصغر تلميذاتك

النرجسيه

الشاعر العلم زيد مبشر الحصني

صح لسانك وبيض الله وجهك

الشاعر


زيد بن مبشر الحصني الحربي

صح لسانك و كفيتو وفيت

الشاعر العلم زيد مبشر الحصني

صح لسانك وبيض الله وجهك على الرد الجميل