الـزين يا " بــندر " تبلآني اليـوم

بسم الله الرحمن الرحيم
هذه قصيدهـ جديدهـ غزلية . اتمنى ان تنال على استحسانكم :

الزين يا " بنـدر " تبلآني اليوم =وانا احسب اني قبل ماني كذيّا
ولا كنت احسب اني مع الوقت محروم =الا بعد ماشوفها لي تهيّا
اللي تخطى كنها باشة الروم =ماله مقارن بالعذارا وزيّا
عنق وخد ورمش والساق مبروم =والخصر ناحل والبلاوي خفيّا
والردف نابي لامشت ضاعت علوم =يرتج لين انه كواني بكيّا
مذهول مما شفت واصبحت منجوم =ماعاد لي حيله ولا في يديّا
فيها الدلع والغنج والصدر مزموم =انشهد انه طاوي الحال طويّا
استغفر الله جسمها كنّ مرسوم =فيها الحلا الطاغي وزين المحيّا
ملاك ربآني سحر كل زيزوم =تمشي دلع ياحيّ ذيك البنيّا
من شافها يحرم على عينه النوم =.يسهر وفكره حول نجم الثريّا
ولا شافها المهموم ماصار مهموم =تجلي همومه مثل ماصار ليّا
وانشهد اني من هوى الزين ملزوم =وابري حالي منه ياخوك بريّا
اثر الهوى غلاب والحظ مكعوم =راحت ولا غادرت منها بشيّا
بس التوجد صار لي امر مقسوم =عليه يجيني ويروي الحال رويّا
هذي علومي كان تنشد عن علوم =حظي نخيته مير مابه حميّا

اخوكم : بدر القويضي العياضي

	صح الله لسانك ولاهنت وسلم فكرك وبنانك دمت برعاية الله وحفظة

لاهنت وصح السانك

تقبل التقدير والاحترام

وفقك الله

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وبيض الله وجهك

نص جميل وشاعر بارع

تقبل تحياتي

قصيده وافيه ومن راس وافي


لاهنت ولاهان هذا الحضور


تقبل تحيتي

تسلم يابدر على القصيده

صح السانك يا العياضي

صح السانك يا العياضي

صح لسانك
..
..
أسجل اعجابي بالقصيدة
..
ويعطيك العافيه ..