ياسوق الاسهم بلا بشكلك

في كل الاسواق مامثلك=من ماعرف حضرتك كسبان
ياسوق الاسهم بلاء بشكلك=يهب يالدايخ الوجعان

اي والله ياخوي يامضحي
الاّ يهبا هالسوق
واظن هذا تمهيد لجعل السهم بريال
وربك يستر من الهوامير
على العموم صح لسانك وبيض الله وجهك
على هذا الشعور النبيل تجاه اخوانك المساهمين
في سوق الاسهم

	المشاركة الأصلية كتبت بواسطة الشاكر أبو سامي

	اي والله ياخوي يامضحي الاّ يهبا هالسوق واظن هذا تمهيد لجعل السهم بريال وربك يستر من الهوامير على العموم صح لسانك وبيض الله وجهك على هذا الشعور النبيل تجاه اخوانك المساهمين في سوق الاسهم

اخوي العزيز ابو سامي سوق يحير

ياصحابنا وش العمل=والحب واكله الجمل
والسوق هاموره رقا=من جيب مسكيين شقا
للقاع عجل الانحدار= ماهوبصحيح انهيار
مثل سونامي لا اشد=كوارثه من دون عد

والسلامه منه مكسب يابو سامي وتحياتي لك وللجميع

صح لسانك على الكسرة

	المشاركة الأصلية كتبت بواسطة فايز السفري

	صح لسانك على الكسرة

صح بدنك يافايز السفري وحياك الله وابقاك

	المشاركة الأصلية كتبت بواسطة مضحي بن جمران

	في كل الاسواق مامثلك=من ماعرف حضرتك كسبان ياسوق الاسهم بلاء بشكلك=يهب يالدايخ الوجعان

الشاعر الرائع: مضحي بن جمران
صح السانك وبيض الله وجهك واسمحلي بمجاراتك اعجبني الطرق وقلت مجاراه

من شين طبعك ذبحت اهلك = من جاك تاجر رجع فقران
الناس تنجي وهو يهلك = من جاك يالمهلك الهلكان
نزول الاسواق يشركلك = وطلوعها ماأنت منه امعان
بارك عسا القوم تبركلك = مالوم بك مضحي الجمران

	المشاركة الأصلية كتبت بواسطة عامر الحربي

	الشاعر الرائع: مضحي بن جمران صح السانك وبيض الله وجهك واسمحلي بمجاراتك اعجبني الطرق وقلت مجاراه من شين طبعك ذبحت اهلك = من جاك تاجر رجع فقران الناس تنجي وهو يهلك = من جاك يالمهلك الهلكان نزول الاسواق يشركلك = وطلوعها ماأنت منه امعان بارك عسا القوم تبركلك = مالوم بك مضحي الجمران

اخوي العزيز الشاعر المبدع عامر الحربي صح بدنك وصح لسانك على المجاراه الجزله لاهنت ولاقلت ياعامر إلا عين الصواب ماهو بارك إلا مبرك ومعقل مع قوايمه الاربع والبلاء والجلاء وسط جوفه واخوك مضحي ماغير يردد هذا البيت

ياليتني ياليتني شريت لي ذود وغنم=ولا فتحة المحفظه اللي بها ثار اللغم

لله درك ياعامر على هالابيات لاهنت اينما كنت وتقبل تحياتي

صح لسانك ولسان عامر

	المشاركة الأصلية كتبت بواسطة فضولي

	صح لسانك ولسان عامر

سوقٍ يمشي للمجهولي=خلاني اخرج عن طوري
ياخوي الفاضل فضولي=بدنك يصح ومشكوري

صح لسانك يامضحي وبيض الله وجهك
وعلى قول ابو سامي الهوامير الهوامير
دمت بكل الود ..