قصيده وطنيه

السلام عليكم ورحمة الله وبركاته
اعتذر عن الغياب
واهديكم هذه المصافحه المتواضعه
واتمنى ان ترتقي لربع الذائقه
وهي عباره عن قصيده وطنيه
وقلت فيها

يادارنا ياعز منهو سكنها=يامهبط القرآن وديار الاسلام
سلام من حربي بيوته وزنها=والله عطاه الشعر ميزه والهام
مايخلف القيفان يحبك لحنها=يبصم بها بصمه وبصمه بالابهام
سلام يادارٍ عن الشر تنهى=وتطبق القرآن في كل الاحكام
ديرة معزي عز منهو زبنها=مخبورةٍ بالطيب من ماض الاعوام
ديرة هل الطالات محدٍ غبنها=من دونها شجعان ورجال حكام
ومن دونها ناسٍ تقول لوطنها=ارواحنا تفداك بسيوف وسهام
مكه وطيبه من بلادي ومنها=المصطفى الهادي على الرسل ختّام
حضاره وتاريخ كلٍ علنها=يكفي بلادي شي هي ارض الاسلام
سلم على شيخٍ يقود برسنها=يقودنا للمجد قدام قدام
عبدالله اللي مدته مادفنها=خلى الكرم ياخذ من يمينه اختام
سلام لبلادي على اللي سكنها=من راس شاعر غارقٍ فيك بهيام
وصلو على طه عدد مامزنها=هلت من الامطار في كل الايام

وسلامتكم
لكم خالص التحايا
اخوكم فهد بن حمود البيضاني

صح لسانك اخوي فهد وتستاهل ديارنا



مثل هل القصائد الرائعه

هلا بك يامرقاب حرب


وصح بدنك ولاهنت على هالمرور



هذا اقل مانقدمه للوطن
لك مني خالص التحايا


اخوك

صح لسانك وعلا شانك
قصيدة رائعة والوطن يستاهل

هلا بك الحميدي المخلفي وصح بدنك

والاروع مرورك والوطن يستاهل اكثر من كذا


لك ودي

اخوك

صح لسانك يا فهد
سلمت و سلم الوطن و أهله

تقبل تحياتي

صح السانك اخوي فهد وبيض الله وجهك

ويستاهل الوطن

لاهنت

صح لسااانك

جزله ومن شاعر جزل

دمت مبدعا

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة