لحن بيني وبين أخي الأصغر فريد أبومديده (وجيت في الميعاد )

أنقل لكم هذا اللحن بين
أخوكم ماجد ابومديده
وأخيه الأصغر فريد أيد أبومديده
لعله ينول على رضاكم

فريد أبومديده=
سلام وانا علـى استعـداد=عن ساعدي مشمِّر الاكمام
ومادمت حاضر معي فالماد=بعـد التحيـات نأخـذ زام
ماجد أبومديده =
يامرحبا جيت فالميعـاد=ياريس الماد ياضرغام
وأنا بجاهِد معاك جهاد=حسب القوانين والأحكام
فريد أبومديده =
إتـدوم ياأيهـا الاستـاد=وتبقى على العز يامقـدام
والأن نبغى المعاني جداد=ونصيغها في لوحة الرسام
ماجد أبومديده =
أهل المعاني لهُـم أبعـاد=جزله وتبقى مدى الأيـام
مادامنـا فـأول الميـراد=حضّرت الأوراق والمرسام
فريد أبومديده=
عانيت كملي وكم في بعاد=أعوام عدت وجات أعوام
شكيت والمشتكى مافـاد=وإنت الذي عارف الأعلام
ماجد أبومديده=
الوقت حاكِم وسيفُه حاد=لابُد نمشي معُه بِنظـام
لو العنا عن حدوده زاد=خلي طريق الأمل قـدام
فريد أبومديده=
جهدي نفذ والليالي شـداد=وكثر الامل ضاعف الأسقام
لاتقول إصبر صبر ماعـاد=نبغى حكم يالمديـر العـام
ماجد أبومديده=
ماأحكُم وسدْ الشفا نُقـاد=لأن أمـرك مـع الحُكّـام
لكن ربـك لـو إنـه راد=تاصل لو إن الطريق ألغام

ويصحابنا سامحونا