..بــعيــد المــراميس....

هاضت هجوسي مع هبوب النسانيس=وكتبت حرف ٍ عالي/ن/ في خطابه
ياحرف وصف لي بعيد المراميس=اللي بوسط القلب جوّد صوابه
انا اشهد انه عالي/ن/ با المقاييس=وانا اشهد انه من خيارة شبابه
عليه قلبي دق كل الهواجيس= لا واعنا قلبي ولا واعذابه
عليه من وصف الحرار القرانيس=وعليه من وصف الملوك المهابه
عليه من وصف السلاح النواديس=إليا نطق في كلمته و ابجوابه
طلقات رشاشٍ تدك المتاريس=ينهش عدوه مثل نهش الذيابه
ماهو رخمةٍ هرجته بالدنافيس=جُوده على ربعه وكل القرابه
يدُوس في كبد المعادي ولا ديس=عالي جنابه عن علوم العيابه
في ناظري كامل تواصيف لاقيس=علو علمه في مقامه علابه
انا وصفته لجل يحسب لكم قيس=مثله يود ولابها اية غرابه
يا بعد فرقه عن وجيه المفاليس=اهل العلوم الهابطه والخيابه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

بداية القصيده جمال وقوه وروعه و أدب

صح اللسان

	المشاركة الأصلية كتبت بواسطة رابح الجحدلي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت على تواجدك


الراقي
استاذ رابح الجحدلي

يا الكحيله ان اشهد ان ما فيك حيله

بحر لا ينضب ... ما شاء الله عليك

وصح لسانك مليوووون ولا تكفيك يا النشميه

وعساك للقوه

ابو بتال

	المشاركة الأصلية كتبت بواسطة محمد حمد اليوبي

	بداية القصيده جمال وقوه وروعه و أدب صح اللسان

صح بدنك لاهنت على تواجدك

	المشاركة الأصلية كتبت بواسطة ابو بتال

	يا الكحيله ان اشهد ان ما فيك حيله بحر لا ينضب ... ما شاء الله عليك وصح لسانك مليوووون ولا تكفيك يا النشميه وعساك للقوه ابو بتال

صح بدنك لاهنت
على تواجدك

الرااقي

صح لسانك اختي الكحيلة
قصيدة رائعه كالعاده
الله يعطيك العافيه
/
\

ياحرف وصف لي بعيد المراميـس
اللي بوسط القلـب جـوّد صوابـه
صح لسانك
ياشاعرتنا العذبه
صاحبة الابدااااع
لك تحياتي

الشاعره الكحيله شاعره لها اسلوبها في نظم القصيده
تحياتي وتقديري