قصة العاشق المنحوس الهالك

اخواني هذه القصيده للتسليه
ولمشاهدة حال المسكين العاشق المنحوس
ملاحظه المهم بين القوسين(())

المحبه والهوى،،،بحرها يجمع سوى،،، ضامي وعدالروى...المعنى والخليل=
والخليل اللي نوى،،،هجر خله ماقوى،،، صاروا جروح ودوا...وابتدت قصة غرام=
الغرام امرٍ صعيب،،، للمحب وللحبيب،،،كم جرحٍ مايطيب...لويصير المستحيل=
مستحيل ان له طبيب،،،لا بعيد ولاقريب،،، العنى جاله نصيب...واسمعو هذا الكلام=
كلمه خله تعال،،، قول وش فيه خصال،،،قال ياكل الدلال... مايجي مثلك مثيل=
مثلك بحسن ودلال،،،لاوربي لامحال،،، بس اجاوبك السوال...تشبه لبدر التمام=
التمام عيونها،،، ولمعةٍ في نونها،،، والحلا في لونها....تشفي القلب العليل=
علتي من دونها،،، صرت انا مجنونها،،، فالفؤاد اصونها... لو ليا مليون عام=
عام مايشبع نظر،،، في جماللك ياقمر،،، آمري منك الامر... ياعسى عمرك طويل=
طول ايام العمر،،، اعشقك يااحلا الصور،،، ومن هواك اهوى السهر...وانتظر عينك تنام=
نوم عيني راح راح،،، دون شوفك آه صاح،،، في هموم ولااستراح...وهمي فشوفك يزيل=
زال للوجه الملاح،،،ساح هم القلب ساح،،،وصرت كلي فانشراح...في سعاده وابتسام=
ابتسامت وجنتك،،، بينت لي عفتك،،، والبرءه فبسمتك... والحيا اكبر دليل=
الدليل فمشيتك،،، والادب ف كلمتك،،، والغرام فنظرتك... ياسلام وياسلام=
ياسلام بما ارى،،، حسن خلقٍ مبهرى،،، في خيالي ماطرى... مثل حسنك يانحيل=
يانحيل المنظرا،،، ياجميلا" مؤثرا،،، في جمالك ماقرا... كل من فالحب رام =
رام قلبي وامتلا،،، وغير حبك الف لا،،، عاشقك يااحلا الملا... صاحب الجسم الجميل=
ياجميل الك الغلا،،، كل قولي لك هلا،،، كل مافجسمك حلا... تستحقين الوسام=
الوسام يعطى حياك،،، وزينك وروعة وبهاك،،، واحمد الله اني معاك...ميل ياهالفن ميل=
ميل يم اللي هواك،،، اسعدك وابغى رضاك،،، ذا كلامي ياملاك... فالصحاه وفالمنام=
((في منامه ذا رآه))،،، زاد اهاته بآه،،، اقبل الخل لرضاه... وفتحت عينه قليل=
القليل اكثر بلاه،،، بعد ماحصل مناه،،، باع عمره واشتراه... لجل لحظات الوئام=
الوئام اضحى سراب،،، يلحقه وانه تراب،،، قال هالمره صواب... وانحرم طعم المقيل=
والمقيل ايضا" عذاب،،، شاب راسه منه شاب،،، لا طعام ولاشراب... ولاشراب ولاطعام=
مطعمه مر المذاق،،، ضاق منه الصدر ضاق،،، مايبي اهل ورفاق... بعد ماصار البديل=
بدل الخل العناق،،، حاكم بحكم الفراق،،، واحترق منه احتراق... وصار في هم وهيام=
هايمٍ في كل شي،،، كن عقله منغشي،،، ساهرٍ مايرمشي... مابقي غير الرحيل=
راحلٍ في مفرشي،،، هاجري ياطارشي،،، مع فريد الاطرشي... وسار في هذا النظام=
ناظم فدرب الهلاك،،، وانقلب وجهه بلاك،،، ابتلا ابوك ببلاك... ياعقاب اخذ الحصيل=
حاصل اللي جا معاك،،، من بغيته مابغاك،،، وصرت مجنون فهواك... وفي حياتك ذالختام=

الشاعر / ماهر مبروك العصلاني

صح لسانك وبيض الله وجهك قصيده جميله

وجدت من المتعه والإبداع ما جعلني أقرأ القصيده أكثر من مره

تحيتي وتقديري لك

ابدااااااااااع وتفنن وروح التجديد


صح الله لسااانك يا ماااهر من ابدااع الى ابداااع


تقبل مروري يا الغالي

.
.
.
.

الله الله

على الإبداااااااااع

الراااائع ... حقيقة أنك ماقصرت ياماهر ... صح لسانك و مشكور على جهودك

المميزة
.
.
.

,
,
,
صح لسانك وسلم بنانك

قصيدة وافيه من وافي

بيض الله وجهك يالذيب

اتمنى لك التوفيق

اخيك ابوروان

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

صح السانك ولاهنت



قصيده رائعه من رائع

لك تحياتي

السلام عليكم ورحمة الله وبركاته
سلمت ودمت أخوي الشاعر ماهر مبروك العصلاني على القصيدة .
.
.
جزله ورائعه وصح لسانك
أخوك ابوساره

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك يالذيب

.. ولاهنت

نص راقي ..و عذب المعاني .. !

سلمت مشاعرك ..

دمت بـ إبداعك

راعي الحناكيه