آن الأوان وطالب العذر نهيت=من حال مجبر ما نويت المسيرة

21-09-07, 01:45 PM

باسـم الله اللي يعلم السر سميت=سميت بالواحد عليم السريرة
وبالشكر والتسبيح والحمد ثنَّيْت=وقبَّلْت وجهي يمته مستخيرة
وأخترت والله خارلي وأستعديت=والعبد ماله في المقدر بصيرة
بعد ماخضت البحور وتهنيت=وأخذت من طيب النسيم وعبيرة
العذر لله منك ياراعي البيت=والعذر لا هل الدار من كل ديرة
آن الأوان وطالب العذر نهيت=من حال مجبر ما نويت المسيرة
وأنا مسيَّر ما أعلم الحال لاقفيت=والرب واحد والبلاوي كثيرة
أبغى السموحة صادقة كان زليت=الوقت ما نعلم نهاية مصيرة
وياليت عندي غيرها ما تنبويت=أدرى أثرها والكبيرة صغبرة
لكن حقيقة ... بالحقيقة تباديت=ماهو تغلي .. والكبيرة كبيرة
والختم مع كل المخاليق صليت=على شفيع الخلق يوم الظهيرة

،

الجمعة 9/9/1428هـ