مايغتني من لاغناة بيمناه

السلام عليكم ورحمة الله وبركاته
اخواني الاعزاء هذه قصيده اموجه لشاعر غزاي بن مطر الطريسي ارجو قبولها

يالله علا الي تو من مصنعه جٌيب=اخر مديل امكملاتن مزياه
موردن من طوكيو مصنعه (جيب)=والجيب لكزس حيه وحي طرياه
لونه كما الثلجه وجلده من الذيب=وكشنه من الداخل شذى العود يزهاه
فيه الدبل مصممن للشناخيب=لفز لو هو قدمه ابان يرقاه
ليا نزع نزعة عطيب المخاليب=واليا انحدر مزنن نشاء وانهمر ماه
مجربن ماهوب يحتاج تجريب=الي يسوقه مايحنه ويرعاه
ماوردوه الا اتجار ومعازيب=والا قليل المال ماهوب وياه
يمشي قبل ماتغرب الشمس وتغيب=مشيكينه والتوانك معباه
مصروفه اومصروف راعيه بالجيب=عليه قرمن ماتوانا بممشاه
يلفي علا راع الوفاء والمواجيب= يلفي علا غزاي مكثر تحياه
يابو مشاري فاح من يمكم طيب=والي يمد الطيب يجزى بحسناه
يابن الرجال امطوعين المصاعيب=مايغتني من لا غناة ابيمناه
والعلم مايخفى حصان الا اطلايب=وابو مشاري يفهم اقصاه وادناه
سود اللحاء لابد يطلعبها شيب=والناس كلن شايلن داه برداه
وانته بعيدن عن هلا الكذب والعيب=شرواك تكرم عن صفاته وشرواه
هذاك مهنة شاذيبن العراقيب=الي وراى الاجواد يشعب مطاياه
واقبل سلامي عد خط المكاتيب=وازكى تحيه باازرق العود مهداه

صح لسانك وعلا شانك

والله يعطيك العافيه على القصيده الجزله

بيض الله وجهك

مع التحيه

صح لسانك يالذيب

.. ولاهنت

نص راقي ..و عذب المعاني .. !


سلمت مشاعرك ..


دمت بـ إبداع

راعي الحناكيه

صح الله لسانك

ولاهنت

وسلم فكرك وبنانك

دمت برعاية الله وحفظة

صح لسانك ..

قصيده رائعه واحساس اروع ..

أسجل اعجابي

ويعطيك العافيه ..

صح الله لسانك ملايين

شاعر كبير

وابيات عن قصائد

صح الله لسانك وبيض الله وجهك

جزل لا عدمتك

تحياتي

صح لسانك وعلا شانك ، وبيض الله وجهك

صح لسانك يا أبن هديبان
و بيض الله وجهك

صح لسانك على هذه النادره



عز الله إنك أبدعت



تقبل تحياتي