كود تنسيق القصيد

القصايد كلها للملتقى حصريه= ملتقى اللي للقبيلة صفحته صخرها
وقفت(ن) ماهي بلا سهله و لا منسيه = يوم من يملك مقر و صفحت(ن) سكرها
ما يبي رد الهجـوم بصفحتـه موليـه=والرخامه ماتبـي توضيـح لمفسرهـا
ولاهو الحاله تعذر نـاس واجـد زيـه=امس ما يمدي كثير من العرب ينكرهـا
ما بقا الا الملتقا للخصـم نـاره حيـه=من قلم مفراص ماص المعتبر سطرها
كل غاره با العدا يضهـر لهـا ماريـه=ساطين قـدام تبـرد سطوتـه كررهـا
يردف الهجمه بهجمه هجمتـن معنيـه=علت نحور العدا يا طا علـى صابرهـا
اسلـم الجنـي علـى يمنـاه والجنيـه=كل قلعه صمموها بصرحهـم دمرهـا
يوم وقت الحرب حرب اديارها محميـه=فارسن يبي الحياه يصـد مـا ينحرهـا
ما تروح اعناد لوهي سحـت البرحيـه=وفي لزوم الطيب لا جا الطيب ما نذخرها
لابتي هم تاج راسي في نهار الهيه =وروس ما فيها حميه لاهرجت اطمرها
كان قلبـك والله انـه جاتـك البرقيـه=والحسد شر القلوب الي بهـا عاثرهـا
والوفا والطيب لهل الطيب طبـع ونيـه=وهل الوقفات فرض وواجـب انقدرهـا
تمت العشرين قصيـده هنـا حصريـه=بغير هذا الصرح لا تتعب والا تدورهـا
ودام قوقل حي مابـه حاجتـن مخفيـه=لو يمر النت كلمـه عابـره يظهرهـا

خلو الشاعر يباري للنسايم=اكثر التحطيم يقتل للقريحه
والزعل يوجد مع الشعار دايم=واكثر الشعار نيتهم صريحه
شاعرٍ يزعل ويحرق بالعمايم=وشاعرٍ يزعل وترضيه بذبيحه
شاعرٍ شغله متابعة الولايم=ومن نساه يقول يالله لاتبيحه
يدحم الشعار وعلومه صتايم=وشعر مختلطٍ مليحه مع قبيحه
ما يميز بالوسوم وبالوسايم=لاسمعته خير من شعره قحيحه
القصيد يردده للناس دايم=ملو الشعار من حمضه وشيحه
وشاعرٍ يدعم جهوده بالعزايم=طيب المنهاج وعلومه فليحه
لانفاق ولا غرور ولا نمايم=ولو يطيح الشعر يزعل من مطيحه
لايعيل ولا يفطر كل صايم=ولا يمد الناس بالكف الشحيحه

اشوف حاجه مبلشتكم من ايام=يالربع مانبغى السواليف عنها
عسى يصبحها مع الصبح هدام=على طلوع الشمس يشرى كفنها
من شانها لاننقسم عدة اقسام=محدن بذايق لقمتٍ من صحنها
ناسٍ من المنطق تعارض من العام=وناسٍ مع العجه تباري ظعنها
امست قضيتنا يمن وصبحت شام=والمشكله ياربعنا من يمنها
اعداي تنشدني وانا اهج قدام=والغيض نفسي يالعوارف شحنها
واصبحت محرج بين عاقل ونمام=حسبي على رجال مفلت رسنها
لاروحت يبرالها تقل خدام=وان عودة عود والحن لحنها
مايدري ان الدرب لفات والغام=عينه تناضر حاجتٍ ماضمنها
منته محصلك عراميش وعظام= عجينت التماز غيرك عجنها
خذ كلمت اللي ياصل العلم لاقام=ترى الزمن هذا زمنك وزمنها
بكره ليا جابت لكم درع ووسام= قبل يديها قبل ماتحتضنها