(.. صبااحات الغرام ..)

يسعد اوقاتكم بكل خير

.


.

ياللي سألتيني أنا ش أنتمي له =أنا رجل شاعر ولاخضع لقانون
انسان متمرد على كل جيله =بقبوع (..) وكرفته وغليون
وعلى صباحات الغرام الجميلة =أسهر ومعظم خلق ربي ينامون
أقرأ حكايات ألف ليله وليلة =ولا قدرت أرسم لها داخلي لون
وأستنشق أنفاس الحنين العليلة =وأبكي من اللهفة على شوفة عيون
حزين وأضحك للرجاء كل ليلة =وأقول ياربي عسى بكره تهون
من الغرام عظام جسمي نحيلة =ومن راسي لراس قدمي كلي طعون
وأن جات لعلوم الرجال الأصيلة =باقي على الهقوة مثل مايقولون
راع الكحيلة عاش راع الكحيلة =يموت عز ولا يجي يوم مغبون
يأبوك أنا من روس قوم وقبيلة =على القنا و الموت الأحمر يفزون
كم فرقوا مابين خل وخليله =لا جنهم بيض العذارى يصيحون
والحب موجود و دروبه فضيلة =ولا ينكره واعي وعاقل وموزون
كم قلت يابهلول شف لك وسيلة =خل الهوى والحب للي يحبون
بس أنت ماتفهم ولا فيك حيلة =إلا تبي تنحب و تحب و تخوون
وجهك قناع ألوان حاول تشيله =شف وش بيبقى لك سوى كم بالون ؟

.


.

تحياااتي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك وكلك


ويعافيك ويسلمك ووجهك ابيض


الف شكر لمرورك العطر




تحيتي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة

كفو
الشاعر المبدع / بن عاتق

صح لسانك يابن العم واعتلا شانك
بيض الله وجهك على هذه الدره
الرائعة بروعة شاعرها
قصدت وابدعت وامتعت
لا عدمناك

تقبل مروري وازكى تحياتي

	المشاركة الأصلية كتبت بواسطة فهد ابن غانم

	صح الله لسانك ولاهنت وسلم فكرك وبنانك دمت برعاية الله وحفظة

صح بدنك


فهد


وسلمت ودمت والف شكر لحضورك البهي



تحيتي لك

	المشاركة الأصلية كتبت بواسطة تركي مرزوق العوفي

	كفو الشاعر المبدع / بن عاتق صح لسانك يابن العم واعتلا شانك بيض الله وجهك على هذه الدره الرائعة بروعة شاعرها قصدت وابدعت وامتعت لا عدمناك تقبل مروري وازكى تحياتي

كفووك الطيب يالذيب

صح بدنك وكلك يابن العم الغالي

والروعه تكتمل بحضور حرفك المبدع

الف شكر لك



جل تقديري

ياسلام يموت عز ولايجي يوم مغبون
صح لسانك شاعر ولك حبك جميل
بيض الله وجهك

	المشاركة الأصلية كتبت بواسطة صلاح الحيسوني

	ياسلام يموت عز ولايجي يوم مغبون صح لسانك شاعر ولك حبك جميل بيض الله وجهك

وجهك ابيض يالغاالي



صح بدنك والف شكر لمرورك العطر




تحياااتي

الف شكر احبتي الكرام لبهجة المرور الراقي





تحياااتي