ديوان الشاعر فايز نافع الاحمدي

مرحبا بشاعر الكسره المبدع

فايز نافع الاحمدي

السلام عليكم ورحمة الله وبركاته

السلام عليكم ورحمة الله وبركاته

أحترت بين العتب ورضاه=والصد والهجر والغيره
والمشكله لابغـيت أنساه=النفس ماتقبل بغيره
كل مابغى خاطري يفرح=واعيش باقي العمر في ليام
كدر عليه عظـــــيم الجرح=اللي بلتني بــــه الايــــــام
==============
لو زاد في البعد لو طول=مايغير الشوق والاحساس
مابينـــــنا الود من أول=مأسسينه على أحسن ساس

سلام عليكم

يامعذب الود بالحرمـــــان=وشهو حصيلك ومكسوبك
يكفي من الصد والهجران=أعطف على قلب محسوبك

عن منهج اهل الصفا حادو=والكل منهم أخذ له صف
لاهم مع صفوفهم جـــادو=ولاهم مع اهل البناء والعرف

سلام ياربعي

لي طرف اعياه كثر الدمع=مما بقلبي ومكنونــــــي
كل مانصحه ما بغزره نفع=القى شواريه في عيوني

في جو فيه المطر همال=أستمتع الطرف وفؤادي
عانق جمال الضباب خيال=من سودة أبها الي الوادي

لوخادع الناس بالمظهر=وصدق البعض مفهومه
لابدها الخافيه تظهـــر=وراع الردا تبين علومه

يامن سبب في عذابي كف=زاد الأسى منك وجروحي
أن هل دمعي معاد يجـــف=وان جف يقضي على روحي

هذه الكسره وجهتها الي الشاعر الكبير أحمد البيش 0

يامن لكم في المعاني شان=سلام واغلى امانينا
يابادع القيل يافنـــــــــــان=أصدر لنا حكم وافتينا
لجل الموافا مع الأخــــــوان=جينا ومعنا تهانيـــــنا
كيف الوفا يرد بالنقصــــان=ويجهل بنا اليوم داعينا
==========================================
طبع الادب زين في الأنسان=في قول جانا وناصينا
ترحيب نابع من الوجــــدان=عساه يوفيك ياخينــــا
واللي بخس وزنة الميزان=معك وخالف مبادينـــــــــا
الحق ماهو قصير لسان=سومه على سلم اهالينـــــا
وان ما اعتذرلك عن اللي كان=كامل وزن في الموازينا
عني أجعله عنك في النسيان=لا تقول هذا موالينـــــا