الجادل اللي بهوى لافني لوف

حسن بن مساعد المعبدي =
الجادل الـلي بالهـوى لافنـي لـوف =خلا العيون بصافـي الدمـع غرقـى
والله يابخيتـان مايعـرف الـخـوف = تل الفـواد وحـط بالجـوف حرقـى
تل الفواد عصير غصبن وانا اشـوف = واقفـى بهـا لديـار روقـن وبرقـى
اللي عليه من المهـاء عـدة وصـوف =مابينـه وبيـن المهـاء اي فـرقـى
عنود صيد يذيـره صـوت غريـوف = يجفل ليا ناحت على الغصـن ورقـى
ابو ثمانـن كنهـن لـؤل مصفـوف = وليـا تبسـم كنهـن لمـع بـرقـى
العنق عنق الريم والخصـر ملهـوف = وجدايلـه يطرقهـن الريـح طرقـى
قفى على اللي لوحته حروفها (ن و ف) = الماركـه (بـيّ ,امّ) والـون زرقــى
يابـو محمـد كانـه بحالـي يـروف = ويحس باللي وسـط كبـدي تعرقـى
يرجع ويكسبهـا جميلـه ومعـروف = والآ نوجهـا إلـى حمـاه شـرقـى
بخيتان البشري=
ولف الهوى بين المواليف مولـوف =يجيب مويـه داخـل العيـن زرقـى
مما جرى لك شعر رأسي غدى وقوف=فاللي سرق قلب الشقي منه سرقـى
اللي حوى زين الغناديـر موصـوف=بوصوف من صابه بغصة وشرقـى
حوى الدلال وماعسف كل معسـوف =وسبب فراق المقفي اليـوم رهقـى
ولعب الهوى في قلب راعيه مكشوف=اهـداف سجلهـا وماجـف عرقـى
عساه مثلك بالهوى فيـك مشغـوف=حتـى نلاقـي للمطاريـق طـرقـى
يابـو محمـد مانخليـك ملـهـوف=ارقى وحنـا ويـن ماكنـت نرقـى
يرجع وماكلف وفي قصـر مكلـوف=والا توجهنـا ولا عـنـه درقــى
لايلحقك من دونهـا هـم او خـوف=لو نخترق بجيوشنا القـوم خرقـى
الحال منا يتبـع المـال مصـروف=لو يفتـرق ماعونهـا الكـل فرقـى

صحت السنتكم
والله يـعـطـيـكم الـعـافيـــــــــــة
بيض الله وجيهكم

صح لسانك وعلي شانك انت والشاعر بخيتان يابومحمد شعراء كبار من الوزن الثقيل

اخوي رابح صح بدنك

وشكرا على المرور

ابن العم غاي ربيعان

صح بدنك

لاهنتم وصح الله السنتكم



تقبلو التقدير والاحترام



وفقكم الله

حياك الله يا حسن
بين ربعك

الله الله

صح لسانك شاعرنا وصح لسان الشاعر بـخـيــتــان الــبــشــري مدد بلاعدد

تقديري

وصحت ابدانكم جميعا

وشكرا على المرور اللي اثلج صدري

حســـــــــن بن مســـــــاعد
صح لساانك مدد بلاعدد
مساجله راااائعه وجميله
وصح لسان الشاعر الكبير / بخيتان البشري

لاهنتم قصاائد جزله ورااائعه