( المجال الرّياضي) ..مع الشّاعر القدير/ عيسى العوفي

/
/
/
/
/
/
/
/
/
/
/
/
/

بدع الشّاعر / خالد بن عبيد بن معتوق ألأحمدي=
وينك ياعيسى جعل مااشكي غيابك=يامزن فيك الغيث والبرق ناضـي
جاتك بيوت الشّعر واحسب حسابك=نبغـى انتناقش فالمجـال الرّياضـي
ولاضنّهـا الاحوال تخفى جنابك=سعرالعقود اضعاف سعر الاراضي
اليوم لاعبها بكسبه دهابك=ياخذ مقدّم عقد نوبٍ يعاضي
وإمام مسجدكم بفقره تشابك=وبعض المساجد ليت فيها مواضي
وكم عالمٍ ياالله جوّد كتابك=محروم جنسيّه ولا من تقاضي
والعكس ياعيسى يسبّب عـذابــك=هذاك يتجـنّـس على علم فاضـي
ومفروض من يدعـم بتبذيـر شابـك=اهل الحكم تنعز لشرواه قاضي
الدّعم بالمعقول يرضـي صـوابك=والدّعم بالتبذير لشّرع ماضي
ويامنفق الخيرات لاتصكّ بابك=يفتح لك الله باب لعداك غاضـي
والله يسرّك سرّنا في جوابك=وان جيت بالمعذار ما من تغاضي
ولو رحت لنّادي بدايت شبابك=ماكان رحت الجيش حكم افتراضي
لاكن بخت الشّعر لنكان صابك=تصبح مثل راشد ومثل العياضي
ردّ الشّاعر/ عيسى بن رجعان العوفي=
ياخالد ابن عبيد يامرحبابك=اعداد نبت العشب وسط الفياضي
يااللي لعذب القاف بالوزن حابك=شاعر بحر مايقترضها اقتراضي
شرد القوافي في حضورك تهابك=وتمشي بطوعك مشيةٍ بانتفاضي
قريت يارع المدينه خطابك=ولالي على قول الحكيم اعتراضي
لكن بناقش فيه حضرة جنابك=وكلاً على ماقيل بالحـق راضي
ولو تسأل العاصـي من العقل أجابك=قدمه حساب ولابحـسـابه تغاضي
يامالك الاموال غسّل ثيابك=قـدمــك صحـيـفـه بالخطوط العراضي
يامهدر الاموال تلقى عقابك=النار بايدين الشداد الغلاضي
المال جابه من على الارض جابك=تسأل نهار تكون تحت النقاضي
وحنا ياخالد جعل يجزل ثوابك=دون الوطن للموت نرد الحياضي
جندي وطن بالجيش ولاّ بسابك=او كنت وسط السّوق بايع مقاضي

صح الله السنتكم
ابداع
من

اهل
الابداع
لاغرابة

صحت السنتكم
والله يـعـطـيـكم الـعـافيـــــــــــة
بيض الله وجيهكم

صحت السنتكم ماقصرتم

صحت السنتكم وبيض الله وجيهكم على هذا الابداع

صحــت السنتكــم
دمتم برعاية الله وحفظة

خالد وعيسى صحت السنتكم على البدع والرد الرائعين