كفيت يا سيفي ودرعي ويمناي

جاشت قريحـة خاطـري وتـم معنـاي = ودوّرت مـن خيّـرت رجــال الفضـايـل
حــر(ن) يوصلـهـا ولا يحـقـق مـنــاي = غيـرك يـا بـو ماجـد عريـب السـلايـل
انتـه عـوض روحـي ومبـداك مـبـداي = لا هـنــت وصّـلــي اعـــز الـرسـايــل
سلامـي وشكـري وعرفانـي اهـداي = لمـرزوق بـن لاحـق جـزيـل الفعـايـل
قـلّـه بـعـد أزكــى ســـلام وتـحـيـاي = يـقـول تـركـي فــي جـديـد المثـايـل
كفّيـت يـا سيفـي ودرعــي ويمـنـاي = ووفّـيـت يــا رأس الـوفـاء والجمـايـل
ممنـون مـا قصـرت والله يـا منـصـاي = وفـيـت يــا مـــرزوق واف الخـصـايـل
جيتك يابن لاحـق وأنـا فجـوج دنيـاي = تقـول شـق إبــره مــن الـهـم كـايـل
متنـصّـي المعـبـود مــولاك مـــولاي = ثم ناصي (ن) راسك يا رأس الجزايل
من دونك القهوات مهما يـا مشكـاي = تكـبـر مــداك اكـبــر وبـــادرت قـايــل
ابشر وأنـا أبـو فهـد والله يـا لـو جـاي = تطلب حدى عيالي فـلا يحـول حايـل
ابشـر بـعـزك كــل مـالـي وجــدواي = وحـالـي وجـاهـي للـرفـاقـه بـذايــل
عـز الله انـك كـفـو يــا فـالـح الــرأي = قـو ل وفعـل مـا عـنـدك إلا الصمـايـل
ابيض وجه وفعـول مـن قبـل ملفـاي = سـطـرت بالنـامـوس بـيـض الـدلايـل
ونسفت همـي نسـف وأنـا بمركـاي = وعلـى صينيـة الجـود نسفـت حـايـل
ومن بعد جودك تعتذر قبـل ممشـاي = من طيب ساسك يـا سليـل الاصايـل
كـلــك وفـــاء للطـيّـبـه دوم شـــرّاي = بأغـلـى ثمـنـهـا وكـاسـبـن للنـفـايـل
بالنافـلـه ومــزراق الطـيـب عـــدّاي = معـتـاد للعلـيـا مـــا تـرضــى بـدايــل
رجـــل مـواقــف لـلـوازيّــم قــضّــاي = فرحـة حجـاج اللـي بـه الوقـت مايـل
عنـابـر أجــواد الـعـرب مــا تـبـي رأي = رجــال المـواقـف والـلــوازم قـلايــل
مثلك يابن عمي عسى عداك وعداي= تفداك يـا للـي لقولـة ( ونعـم ) نايـل
بفعـل العلـوم الغانمـه دوم وإسـداي= جمايـل(ن) تـرهـن عـريـب الحمـايـل
لا يــا بـعـد روس الفـشـر والتـعـلّاي= زحول السعه روس الضباء بالحصايل
رخوم(ن)لوان اموالها مالهـا حصـاي = تقصـر عـن النامـوس روس الهـزايـل
هديرهـا يعّـود لا جـاء الـلازم رغــاي = النـعـم كـايـد مــا يـجـي بالسـهـايـل
وإلا أنــت يــا هـــداج زلال وإرهـــاي = هــداج طـيـب وكــل علـمـك كمـايـل
جامع سجايا الأحنـف وحاتـم الطـاي = ووفــاء السـمـوأل والجـزايـل دلايــل