نخـــــــــــــــــــــــــــــــوة لقبيلة حرب

غاب العذر في حزة الواجب ونادانا الضمير = الواجب اللي يلزم شيوخ القبيلة والجبر
مافيه عذر ولا تراخي من صغير ومن كبير = ياحرب هذا اللي الموقف اللي مايجيه فيه العذر
ثلاث ماعنهن صدود ومن تعذرهن حقير = الدين والواجب وميقاف الحميا لا حضر
جزعة وفزعة من سلاطين الرجال وفعل خير = اللي مواقفهم بصفحات الزمن عز وفخر
الفرم قاد القافلة والناس من خلف الامير = اللي فعوله قبل قوله كل ماقال وشهر
بندر تليد المجد لاجى واجبة مايستشير = لادارت الدنيا على من يزهمه قام وظهر
حرز الثلاث البيض والا لاعتزى ماله نظير = له وقفةٍ تضرب بها الامثال واقوال وعبر
لعلها له ظل في يومٍ حسابه مستطير = يوم الحساب وشاهد ومشهود في يوم الحشر
واللي يقود الراي من خلفه يجي جمعٍ غفير = والمعضلات حلولها تبغى لها حلم وصبر
والا التكافل والتكاتف هو هدفنا والمصير = ولياتكاتفنا تبدل كل عسرٍ في يسر
ياحرب ياهل المجد من دار الكويت الياعسير = ياهل الحميا والتكاتف والمواقف والظفر
ياهل المناقب بالخوي والجار واللي يستجير = ياحماة مكة والمدينة يامدابيس الخطر
ياحرب ياللي شركم على العداء شرٍ شرير = ياحرب ياحرابة الدولة بعيدين النظر
ياحرب ياهل الحلم والوقفات والعلم الغزير = ياحرب ياعزوة ولدكم لانخاكوا وافتخر
ياحرب ياهل الشان والبرهان والمبداء المنير = ياحرب ياهل الحجة الغرا مزاريق القدر
ياحرب يابيت الكرم والجود والمد الكثير = ياحرب ياللي من زهمكم من وفاكم ماخسر
ياحرب هذا الموقف اللي يطلع الوجه السفير = حيث المواقف والبلاوي تمتحن صبر البشر
ترى الشدايد تطلع الطيب ومن حبله قصير = وتبين اللي معدنه من طين والا من صخر
ياحرب قوموا قومةٍ من بعدها بشرى البشير = ترى ظلام الليل مهما طال يجليه الفجر
لابد من يوم النجم والفوز للي يستخير = قوموا ولله المساعي كلها من كل امر
لياحان واجبنا نجي مابه غني والا فقير = والمال كله في سبيل الله غناه بلا فقر
الياجتمعنا كلنا يصير شي مايصير = نسوي اللي مستحيل وكل موقف له خبر
يشهد لنا فعل مضى واليوم حاضرنا ظهير = مجد ظهيره مجد والحاضر من الماضي زخر
اسهامنا باعلامنا حاضر وماضي مستنير = ودوارنا واخبارنا بالمجد في كل اثر
في كل اثر من ماء الذهب ومطرزينة بالحرير = ومتوجن في منبر التاريخ نقشن في حجر
هذا نداي الاول الاول ولاهو بالاخير = لعل ماعندي وصل لو ان تعبيري قصر
واجب واقوله واثقٍ من قلب ولسان وضمير = ماعاد ياسعنا عن الواجب سكات ولا عذر

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر الكبير
جوهر الحربي
بيض الله وجهك
على القصيده الجزله من شاعر علم معروف على الساحه الشعريه
بحدث ياجب على القبيله التفاعل معه بالاعمال ليسى بالاقوال
لاهنت يالراعي المواقف

صح لسانك على هالرائعه

الاخ العزيز

الشاعر الكبير

جوهر الحربي

صح لسااانك ثلاثين مليوووون

وبيض الله وجهك

وقصيده جزله من شاعر كبير

ولله يجزاك كل خير

وقبيلة حرب قد الموقف ووقفتهم معرووووفه

والله يفرج لخالد العلوي

صح لسانك ياجوهر
وبيض الله وجهك وحرب اهل المواقف والمعجزات
وان شاء الله نفرح بوقفتهم مع ابنهم

صح لسانك

كلماتك غايه في الروعه

أحييك على هذا البوح المتميز

دمت ودام شعرك وبوحك

شكرا لجميع الذين قاموا بالرد على القصيدة من خلال الاشادة واعتبر ماقالوه شهادة كما اني ارجو من الاخوة القائمين على الصرح الشامخ وكذلك جميع الاعضاء من ابناء القبيلة نشر هذه القصيدة على جميع منتديات وملتقيات قبيلة حرب ولكم مني جزيل الشكر

صح السانك لاهنت
قصيدة جزل وفي وقتها وموقف لايستعرب منكم
ياحمول الخيل

والله يفك اسر خالد والقبيلة دونه ودون واجبها

وفقك الله وحقق جمع الأمة على أمر رشدها

وعافاك الله ورعاك