يو ان كلن في قصيده ترنم

من الأشيف

هذه القصيدة ذكرت فيها ما ستطعت من بعض مفاخر قبيلة حرب
والمعذرة والسموحة من القصور حيث مفاخر قبيلة حرب تحتاج إلى مجلدات :

ياوم ان كلن في قصيده ترنّم = والشعر سلّم للقناوات همه
بنيت مطروقٍ يسم العدى سم = سمٍ ذبح سم الافاعي بسمّه
لعيون حرب اللي عليها الثناء تم = حرب الحرايب منجزين المهمّة
قبيلةٍ لها من العصر الاقدم = مجدٍ تعلا الصدر لفروع قمة
أهل المهار اللي تخم الوطى خم = حمر العيون مكاضمات الازمّه
يما عليهن فرّقوا جمعٍ ادهم = نمرا قويٍّ باسها مدلهمّة
شتاتهم ياخذ نهارين ملتم = لو تجتمع كل العرب ماتلمّه
من دون وضحٍ دعج واشعافها حم = سيلٍ تحدّر مع صحاصيح حمّة
ترعى بنا الحد البعيد الموسّم = تقطف زهر عشب الفياض المطمّة
حتى نبات الأرض فيها تصرٍم = تذرا به الأرياح في كل يمّة
ثم انثنينا لماردٍ صافي الجم = محدٍ ورد قدامنا عذب جمّه
البل ترازم والاصايل تراهم = والجو لاهوب السمايم يسمّه
لنا مع التاريخ عهدٍ مختّم = مجدٍ دواوين البطولة تظمة
خوينا من خنجر الموت يسلم = نموت ويرجع طيّب الفال لمّه
ودخيلنا عن من يريده محرّم = صعبٍ وصوله والمراوين يمّه
وان قيل ياهل الجود من يتكرّم = خلف يصوّت للمكارم بكمّه
والجار له حقٍّ علينا مقدّم = عهدٍ علينا جارنا مانذمّه
وبوي يوم الدم يطلب به الدم = سامح بدمه فدوةٍ لبن عمه
ومنا الامير محنّي السيف الارخم = من فوق غراء مابنحرها ترمّه
ومنا الشجاع معشّي الذيب الاسحم = عشرٍ مردّف باللقاء ما تهمّه
حنا هل الجمع العظيم العرمرم = موج المحيط اللي كما الليل يمه
لنا دليلٍ بالتواريخ يعلم = مشمرخٍ فوق المزن روس شمّه
شيباننا بالحق والعدل تحكم = وشبابنا ياخذ من العلم صمّه
وحنا فدى دون المليك المعظّم = نفدى وطنا وديننا بكل همّة
تم الجواب اللي على السبع يقسم = اسقيت جل الوقت دمّي ودمّه
سالم سليم امسلّم السلم الاسلم = سلمٍ على عهد المواثيق تمّه

الشاعر الكبير
نافع الحربي
صح لسانك وعتلا شانك
ماقصرت الله يبيض وجهك

اخي القديرالشاعرنافع الحربي

صح لسااااانك مليووون وبيض الله وجهك

قصيدة في غاية الروعه والجمال والابداااااع

يعطيك ربي العااااافيه دمتم ودام ابداااااااااعك

ودي واحتراااااااامي

الله
الله
عليك يا شاعر الجزالة
كفو كفو كفيت وفيت
وصح السانك وبيض الله وجهك
وفاايف استارز

صح الله لسانك يا القرم
والله يـعـطـيـك الـعـافيـــــــــــة
بيض الله وجهك

صح السانك يانافع واعتلا شانك


وتمنتيت غير مفردة تراقل لأيحائها الذي لايخفاك بكل تأكيد



وونعم وسبعة انعام بالمرواين وماقصرت قلت واجزلت



لاعدمناك



تحيتي وتقديري

	المشاركة الأصلية كتبت بواسطة سعد المحمدي

	الشاعر الكبير نافع الحربي صح لسانك وعتلا شانك ماقصرت الله يبيض وجهك

الشاعر القدير سعد المحمدي صح بدنك ووجهك ابيض
ولا عليك زود ياشاعر القبيلة لاهنت لك التقدير والاحترام

	المشاركة الأصلية كتبت بواسطة وليف الشوق

	اخي القديرالشاعرنافع الحربي صح لسااااانك مليووون وبيض الله وجهك قصيدة في غاية الروعه والجمال والابداااااع يعطيك ربي العااااافيه دمتم ودام ابداااااااااعك ودي واحتراااااااامي

الأخ العزيز وليف الشوق صح بدنك ووجهك ابيض
والروعة والا بداع حضورك في متصفحي يابن العم
الله لايهينك لك التقدير والاحترام

	المشاركة الأصلية كتبت بواسطة العطيب

	الله الله عليك يا شاعر الجزالة كفو كفو كفيت وفيت وصح السانك وبيض الله وجهك وفاايف استارز

الأخ العزيز العطيب صح بدنك ووجهك ابيض
لاهنت لك التقدير والاحترام

	المشاركة الأصلية كتبت بواسطة رابح الجحدلي

	صح الله لسانك يا القرم والله يـعـطـيـك الـعـافيـــــــــــة بيض الله وجهك

الأخ العزيز رابح الجحدلي صح بدنك ووجهك ابيض
الله لايهينك لك وافر التقدير