1681هو عمود الصمود(محلول من ملك الحلول وجودك يكفي صح لسانه)

السلام عليكم ورحمة الله وبركاته صباح الخير والمسرات
الحقيقة انني بعد ان وجدت منكم الترحيب والتشجيع والتفاعل وان لغزي السابق يستحق ( خمس نجوم ) حسب راي مستشار الالغاز الاخ العزيز ( أبو هليل ) كل هذا كان حافز مشجع للبحث عن لغز يليق بمقامكم الكريم او يحاول ان يليق . مع العلم ان جميع ما اقدمه من اللغاز ( جديد - لنج ) ولم يعرض من قبل على اي شخص حتى يحل هنا ويقيم لذا ارجو من الجميع عدم المجامله وان يقيم اللغز بحياد تام لا احب ان يقال ( لغز رايع وهو لغزا عن الدرب ضايع ) ارجو الحكم بصراحة حتى استفيد وافيد هذا ما احببت توضيحه وللجميع ازكى تحياتي .

اللغز الجديد :

هو عمود الصمود وفية سر الحياة= وبأسمه يسمى اللي بوقت الشدايد يسر
اسمه غدا رمز للقوه بكل اتجاه = ولا اظن لغزي عليكم يالنشاما عسر

صح لسانك مليون ياعشير النشاما
وبيض الله وجهك
هذا الغز فيه ابداع الى اقصى الحدود ماشا الله تبارك الرحمن
ورمعتي وش تقول بالامل طال عمرك

صح السانك وبيض الله وجهك وجاري البحث

	المشاركة الأصلية كتبت بواسطة عشير النشاما

	. هو عمود الصمود وفية سر الحياة= وبأسمه يسمى اللي بوقت الشدايد يسر اسمه غدا رمز للقوه بكل اتجاه = ولا اظن لغزي عليكم يالنشاما عسر

لـــــســــــانـــــكـ

اخوي ابو فهد صح بدنك ووجهك ابيض و استعمل محركات البحث الخاصه بك لأن اي محركات بحث اخرى لن تفيد وانت حسب عرفي انك كفو وياكم لغز ولغز راح تحت محرك بحثك عساني ما اضرك . بانتظارك.

اخوي معجب صح بدنك والرمعه ما لقيتها ؟؟

اخوي ابو هليل اعذرني والله مريت ردك ما شفته سامحني و الرمعه يؤسفني او تدري يسرني انها مالها امل ان تكون من ضمن الرمعات التي تصيب الهدف .
وسامحني وحاول من جديد .

صح لسأنك ياعشير النشاما

ممكن يكون الحل /الصبر

يامرحبا ياولدنا
صح بدنك ولا هنت
الرمعه مالك الا ان تحاول على البحث عن غيرها .

صح لسانك ياعشير النشاما وبيض الله وجهك على اللغز الوافي والجزل

وش تقول في التوحيد عكس الشرك
هو عمود الصمود وفية سر الحياة>>توحيد الله عز وجل
وبأسمه يسمى اللي بوقت الشدايد يسر>>توحيد الكلمه والصف في وقت الشدايد

سجلني مع ملك الحلول ياعشير النشاما
في رمعة التوحيد