ديوان الشاعر منصور الغيداني

الراس من كثر التفاكير منداش=من ماتشوف العين كلش دهشها
الوقت متغير وبعض العرب ماش=اصدورها تضيق واجد كششها
راحت هقوينا مثل لمحت افلاش=وبعض الاوادم بـيـنـتـلي غششها
اهل النفاق اللي على الكذب تعتاش=بالنصب والحيله تقلب خششها
وقت الجمائل راح والطيب بنعاش=الوقت وضروف الليالي نقشها
والطيب ماينفع ليا صار بلاش=عسا الولي لاجات عندي كرشها
لاوا خسارت طيبنا راح ببلاش=في منكر المعروف مني لطشها
نعطيك بالتقسيط نعطيك بالكاش=مديت له يمناي ولكن نهشها
مبا تكلمني ولا بالك انقاش=يالخاين الغشاش دجتك عشها
لاعاش من سوا سواتك ولاعاش=واللي يسوي مثلك ابيقترشها

يالله ياللي كل مخلوق يرجيه=يالخالق الرزاق رب العبادي
ياللي تميت الحي وان شيت تحيه=في قدرتك تحيي عظام ٍ همادي
ياخالقن هالكون كله بمافيه=وجبالها بالارض لها وتادي
يامهدياً عيسى على الحق مهديه=بامرك يعد الحق وهو بالمهادي
يامنجياً موسى من البحر منجيه=يامهلكٍ فرعون واهلكت عادي
يالله تشافيوني عسا الهم تجليه=وانعوذبك من كل شر اونكادي
مابه بشر معصوم واجد خطويه=الا نبيك عاصمه بالوكادي
يالرب ساعدني على كل مابيه=حظي عساه يقوم بالعز بادي
يالرب لي طلب عن الناس مخفيه=عليك مايخفا عليك اعتمادي
وليا تحقق تالي الوقت ابا اقضيه=وابا اهتني وارتاح وهذا مرادي
يالله تعجل بالفرج منك راجيه=ياناصر المظلوم على المعادي
يالواحد القهار كل شي توحيه= يالخالق الرزاق رب العبادي

الطيف الروح يازين الحقيقه=من يعد الحق ياليـــــلاة درة
التجاهل والجفا ماحد ٍ يطيقه= ياحمام الورق جر الصوت جرة
افهميها وفسريها بي طريقه=ماكسب منصور لو مثقال ذرة
منك حالي ناشفٍ دمه وريقه=من فراقك صاير ٍ فالكبد حرة
صبرنا ماعاد انطاقه دقيقه=واصلاً حدة وهاجوس يفرة
بالسراحه يالحبيبه يالانيقه=منزلك بالقلب موجودن مقرة
والله اني صادق ٍ كلمه وثيقه= ناوي افعل كل ماشوفه يسرة
على شانك لو يجي بالصدرضيقه=والله انا مانبيلك بالمظرة
المنافق والحسد ربي يعيقه=كل من به شر يكفينا بشرة

مانخيل خيالن ضعيـف براقـه=لين برقه بالسماء يشعل شعالـي
النصيحـه خوذهاجتـك فالباقـه=وانته ابخص دوك يالطيب الفالي
لاتخاوي لاش لاتخاوي العاقـه=ماتعيش ان كان صاحبت الانذالي
لا تفرح لـك عدوايـن سراقـه=ياعزيـزي يارفيقـي ويالغالـي
لاتماشي واحدن قاطـع الساقـه=يمكن اشوالك ويمكـن اشوالـي
ودي اعلمـك مانتـرك الحاقـه=ودي اعلمك علمن علـى بالـي
ودي اعلمـك بعلومـن دقـاقـه=ميربعض علوم ماهـي ابتقالـي
مـن يقدرصاحبـه قدر ارفاقـه=والردي ياصاحبي بالخلا الخالي
الـردي كلـن ايـدور على افراقـه=جعلم ماعـاد يبقـاء لهـم تالـي
المنافـق دائـم يـزود انفـاقـه=بالنميمه كيـف سوالـه اهوالـي
خل ناسن تاخذ الذنـب تستاقـه=وانـت بعـد لاتقـرب للهبالـي
نفسه اللي دائـم الغيـب مفتاقـه=ليت ربي شال هاذيك الاشكالـي
كل شارب له مقصـه وحلاقـه=قلتها من عدت امثـال واقوالـي
الردي لابـد متكشـف اوراقـه=مثل جرفن سرع ماهو بينهالـي
كل واحد عند هالحد لـه طاقـه=لابها شكن و لا يوجـد جدالـي

هذي قصيدة مرسله من الشاعر الكبير حمود العرافه الى الشاعر منصور الغيداني

يامرحبا ترحيبتن تشـرح البـال=بالصاحب اللي له معزه وتقديـر
عـداد ماهلـت هماليـل همـال= ترحيبن احلى من حليب المغاتير
ومن بعدها نبدى بترتيب الأمثـال= ونجيب صرفن مثل نقد الدنانيـر
نختار زينات المعانـي والأقـوال=وحقن علي اصخر القاف تصخير
واحط لي رايه على راس ماطال=واقـول والله ماتجـوز المعاذيـر
لازم نبين فعـل وافيـن الأفعـال=اللي لامنه ثار عـج ومعاصيـر
ياقف بميقافن يعدي عـن الجـال= ويضحك حجاجه لا لفوه المسايير
والله ماقولـه منافـق ومحـتـال= ياطيب السمعـه وواف الأشابيـر
منصور ابن صالح من الجد للخال=عريب جد ولايحسب المخاسيـر
عديت كلمة حق والحـق ينقـال=والمعذر اليا حصل فيـه تقصيـر

وهذا رد الشاعر منصور الغيداني على الشاعر حمود العرافه

يالله يامنـزل تبـارك والانفـال=على النبّي ويذكر الناس تذكيـر
ياخالقن هالكون في ستت اليـال=يارازق الانسان يارازق الطيـر
ماتفيدنا الشهرة ولا ينفـع المـال=ويحاسب الانسان في كل تقصيـر
والناس عريانه ولا يوجد انعـال=على اللذي مكتوب جايه طوابيـر
ياويل من ياخذ كتابـه بالشمـال=ماقدمه الا النار وبرد الزمهريـر
اللي يروح يمين حظه ترا عـال=قدامه الجنات خضـر ونواويـر
يارب ساعدنا على الحظ لامـال=يالله انا طالبـك ماريـد تأخيـر
الحمد لله جات الابيـات تنهـال=حي الكلام اللي يبشر تبـا شيـر
ياحمود لك تقدير لك عز وجـلال=تستاهلون الطيب يافاعل الخيـر
انته حفيد اللي بذكرة ولا زال=ياذبحين الحيل ياناحر بعير
ياما تمنا الضيف في تالي ليال=امن الكرم ياما تمنا المسيير
يامرحبا من قلب ماهوب تمثـال=اعداد مايطري على البال تفكيـر
عد الشجر ويا الحجر عد الارمال=واعداد حجاجـن تلبـي بتكبيـر
ياحمود يفدونك ترا كـل الانـذال=واسمح لنا لاصار فالهرج تقصير
اقدم الشكر على كـل الاحـوال=للمنتدى مخصوص فكرة وتصوير
يستاهلون المدح لاشـك لاجـدال=على العموم واصلـه للجماهيـر
ولكل غيداني على الراس والبال=نعمٍ بهم ينقـال تكريـر تكريـر

ملاحضه هامه البيوت الثلاثه الاخيرة موجهه الى منتدى الغيادين
لن القصيدة جات مرسله عن طريق المنتدى
وتمنا ان تحوز على رضاكم

ملاحظه يالربع باقي قصائد لهحين مضفته للديوان
ان شالله ابا اضفها بقرب وقت ممكن وشكرا على
كل من مرعلى ديواني

سلام الله سلامٍ نبتديـبه حزت اوقاته=و انا ضيفٍ ابا حق الضيافه مالي طـماعه
يشرفني وجودي عـندكم في كل حالاته=عشان اب صيتكم طالع صحيحن ماهي اشاعه
لفتني يمكم برقٍ يلوح وذاعت اصواته=وقلت اجيه واشوفه وقيس الجم والقاعه
جمل الله حال كل اللي هذي من صـفاته=المروة والحموة و الكرم وايا الـشجاعه
عـساكم بـس بالقوة وكلٍ يثبت اثباتـه=بيض الله وجه كل الـطـيـب الـلي بالجـماعه
كان ماهـي بالاوائل مانعـود للحتاته=سجلوها عـندكم بالمنتدى قبل الاذاعه

ياهل المعروف والخير تكفوني= بالكلاياف مانبا الناس نحرجها
ساعدوني قدر ماتستطيعوني= الكريم معان والله يفرجها
راح راس المال وانتم تخبروني=مستفدناعصرالاسهم توهجها
لاجل الاسهم بعت ماقدمي ودوني=يوم اذاع اللي بالاسهم يروجها
اشترينا يوم وصلت لعشروني= اسهمن من كل الاشكال دامجها
والله ان المال بسلاف والديوني=ووعد اهل الحق ماني ابساهجها
مسكني دخنه وهذا التلفوني= واهل الماجوب تعرف مخارجها
صفرخمسه ثم ثلاث وثلاثوني=بعدها واحد وخمسه ودرجها
والثنينه واربعه لا تناسوني=وثمان وعقبها التسع برمجها
كان ود اهل الجزاله يكافوني= ودنا مانحرج الناس و زعجها