تأهل الشاعر نادر العماني الغيداني للمرحلة ما قبل النهائية لمسابقة شاعر الملك

05-10-11, 09:18 PM

( صحيفة حرب الاعلامية ) دويحان العلوي :

تأهل الشاعر نادر لافي العماني الغيداني بالمرحلة ما قبل النهائية لمسابقة شاعر الملك والتي تبث عبر قناة المرقاب كل مساء يوم ثلاثاء عند التاسعة مساءاَ .

حيث أتحف الشاعر العماني الجمهور ولجنة التحكيم للمسابقة ووقف أعضاء اللجنة مندهشين من غزارة المعاني ونصاعة الصور وصدق الكلمة التي حملتها قصائد عشرة من المتسابقين الشعراء ومن ضمنهم شاعرنا العماني في المرحلة ما قبل النهائية للمسابقة، عندما أبدع الحرف في ليلة من ليالي الوفاء، فحضرت دجلة والفرات والنيل وسهيل والجدي والثريا وغيث العرب ونصرة الفقير ، لتكون من ضمن الصفات العظيمة للملك عبدالله بن عبدالعزيز.

إدارة الصحيفة تبارك للشاعر العماني التأهل وعقبال الفوز بالمركز الاول إن شاء الله .

قصيدة الشاعر نادر العماني :ـ

زهير بن أبي سُلمى يجيب الشعر في حول=وحنا نجيب الشعر عن حول فـي حلّـه
وهذا تراه الفرق ما بيـن قـول وقـول=من الشعر إذا تبحث عن الفـرق والعلّـه
لأن الشعـر بقلوبنـا للملـك محـمـول=كأنـا فقـط نقـراه للـنـاس ونهـلّـه
مليـك ٍ كـأن قلوبنـا داره المـأهـول=يمـوت الملـل مـا مـل داره ولا ملّـه
إذا المملكة ما تشتهـر غيـر فالبتـرول=تبي تشتهر ضعفين في عهـد عبـد الله
إذا المملكة تمتاز في عرضهـا والطـول=يضفي عليهـا بشـت عبـد الله بظلّـه
نصير الضعيف اللي لا قوّه ولا له حـول=وعز الفقير اللي مـن الفقـر فـي ذلـه
على عكس من هو حط دون الفقير قفول=ملكنـا يفتـش عنـه ويجيـه ويـدلّـه
كأن الفقر من كثر مـا حاربـه مقتـول=عدو الثنين: الفقـر ، ومخالـف الملـه
غناة الفقارى ، يخترع للفقـارى حلـول=على يديـه دايـم عقـدة الفقـر منحلّـه
سحايب يدينه سنبلـت فالبـلاد حقـول=كأنـك تشـوف الأرض بالغيـث مبتلّـه
بكف ٍ تمـد الغيـث للممحليـن سيـول=وكف ٍ تمد السيـف فـي عـز وتسلّـه
يطارد بسيف العـدل للمفسديـن فلـول=صواعق صليلـه تطـوي الليـل وتفلّـه
ياسيف ٍ نصابه من ثقيل العدل مصقـول=عساني فـدا للكـف والسيـف والسلـه
ربيع السنه فصل ٍ يداور ثـلاث فصـول=ومكلنـا ربيـع ٍ للوطـن بالزمـن كلّـه
لو المملكة تنطق كـلامٍ ٍ فصيـح تقـول=حبيب الوطن والدين والشعب : عبـد الله