وانسا كل اخوان بدوه كنبليت

السلام عليكم ورحمة الله وبركاته

:

للمعارض رحت ثم بعـت الونيـت = لشريـطـيـه عـلــى أرخـــس ثـمــن
لا جدلـت ولا خذيـت ولا عطـيـت = لـنـي مستعـجـل وسـابــق لـزمــن
دافــع الـعـربـون والـنـيـه شـريــت=مـن وكـالاة الجزيـره لــي يـوكـن
مــوتــرً كــلـــه حــركـــات اتـكـيـت=وحش فخطوط السريعه والمـدن
لايــقً لـيـه لـيــا مـنــي اسـتـويـت=فـــوق مـهــره دون سـرّج ولارســن
كاشـخً بالجـنـز طيحـنـي لقـيـت=لــه بـلـوزه لاصـقـه عـلـى الـبـدن
واتمشـى فالبحـر واسـكـن سـويـت=فيـه ابقضـي بـاقـي ايــام الـوكـن
واختصر في كلمتي لامـن حكيـت=كـنـي في بـاريـز سيـتـي لــي سـكـن
وانسـا كـل اخـوان بـدوه كنبلـيـت=واتبـرى حتـى مــن خــوّت حـسـن
لازهمني قلت اسف عندي ديـت=ماني فاضي اقنص الوبر العفن
كــان زودهـــا نـقـلـه وش بـغـيـت=سيبني عايـش فـي جنـاتً عـدن
مع وليـف القلـب غيـره ماهويـت=ساكن فقلبـي وصـدري لـه وطـن
واحمد الله من منامي يوم صحيت = وان ونيتي جنب بيتي مصفطن
وسالت دموعي من الفرحه بكيت = يوم أنا مثل مأنا صاحب حسن

"

ملاحظه هذي القصيده او الابيات من باب المداعبه والا انا افتخر بخوان بدوه اللي انا منهم ولا عمري لبست الجنز

واسم حسن اللي في القصيده انا اقصد الشاعر القدير حسن بن مساعد المعبدي ( عاشق المقناص ) ابومحمد

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك وبيض الله وجهك


تقبل خالص الود والاحترام

اخوي الشاعر المتمكن فايز المحيسن
القصيده كمبليت ..اوكنبليت..قمه من شخص اعتلى القمه
بشعره وبأخلاقه ..صح لسانك يابعدي ولاهان راسك

فايز المحيسن
صح لسانك قصيده رائعه
تحياتي ياذيب

رائعه وجزله من جزل
صح لسانك ونبضك يالمحيسني
لك ودي

صح الله لسانك
ولاهنت
وسلم فكرك وبنانك
دمت برعاية الله وحفظة