ياعماد الحوسني شدّ حيلك ياعماد)..إهداء منّي لجماهير الراقي

/
/
/
/
/
/
/
/
/
/
/
/

يكسب الميدان من ينتقي خير الجياد=ونادي ٍ متزعّمه راعي الاصل العريب
لازم انّه ينتصر مايضيع الاجتهاد=وصّلوا هذا الخبر لابن ذيب وخال ذيب
قلتها قبل اللقا واللقا لك به معاد=امنيتنا حاصله درع زين النا نصيب
دامنا ندعي سوى واحد احنا له عباد=واحدٍ معطي وعد من دعاله يستجيب
ياجماهير البطل اقترب يوم الحصاد=احضروا يوم اللقا واهتفوا بأسم الحبيب
وياعماد الحوسني شدّ حيلك ياعماد=دام للجمهور امل في جهودك لايخيب
مايخيب امشجّعك شوفك لجرحه ضماد=وانت لاعب لانوى يرمي المرمى يصيب
لاتهاب من الفرق لاهلال ولااتحاد=ولاشباب ولا نصر انت في لعبك تهيب
هدّ هدّات الصقر هدّة ٍ تبلغ مراد=واهجم بمرمى الخصم هجمة اللي له قنيب
ياهجوم ٍ لنطلق كسّر جسور العناد=التفاهم بينكم انته وفكتور عجيب
ومن محب اللي رقى معتلي في كل ماد=كلمة ٍ لاقالها كم خواطر باتطيب
حاجة ٍ ومحققه علمنا فيها وكاد=بعد هزم الاتفاق العسل فوق الحليب

الشاعر/ خالد بن عبيد بن معتوق ألأحمدي