لاتلوموني ترى مابقى عندي صبر

لاتلوموني ترى مابقى عندي صبر=ولا تحمل وضع وقتٍ تخوف حالته
الحقيقه تجبر الرجل فالموقف جبر=تدفعه قدام حتى يقول ارسالته
قلتها واضح ولا جيت ابسبرها سبر=والقصيد اللي فشل مانفع قوالته
كل راس"ن" مابوسطه دروس ولاخبر=صعب ياصل للطموح وصعيبه طالته
وكل رجل"ن" ماهو بقد قوله للثبــر=لايقوم يوزع الحكي مع نقالته
وراس ماهو ممتلي طيب جعله للقبر=خل تبكيه أمه وجعل تبكي خالته
والردي لو يزبر عماره ونفسه زبر=والله أنه كنه الحثل وسط بيالته
والحجاج اللي مايضحك لضيفانه غبر=ولحد مستانس لو انه يصير اقبالته
فهم الخايب بفعله ومن فعله تبر=واتركه يفلت ويلقى عقول"ن" فالته
عزتي للي يشوف الطريق ولاعبر=وأنثنى وابطي مع الناس يشكي حالته
الجبانه عيب والبخل ودروب الكبر=والمجامل يتعب الروس لو هي شالته
والجمايل حظ من يشبر العليا شبر=ماهي لخبل"ن" حياته قضت بضلالته

الله الله الله الله

صح السانك وإعتلا شانك يابو ماطر

نص راقي ورساله قويه

نص قرأته وسأعود لقرأته مره أخرى

بيض الله وجهك على هذا الحضور

وعلى هذه العوده بعد الغياب وبالحقيقه الطيب الي زيك نفقده لاغاب

لاهنت ولاهان هذا الطرح الراقي والعذب

دمت بخير

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ملاييييييييييييييين



شاعر جزل اطرب لقصائدك



لك تقديري

الشاعر الكبير

فهد مطلق السليمي

ياهلا ويامرحبا فيك مليووون

وصح بدنك مليوون والله يعطيك العافيه

على مرورك الرائع وعلى كلامك الطيب

ولو غبنا ماننسا الرياجيل اللي شرواك

بيض الله وجهك يابو مطلق

ولاهنت يالقرم


تقديري وشكري لك ،،

وراس ماهو ممتلي طيب جعله للقبر=خل تبكيه أمه وجعل تبكي خالته
لعلها تبكيه نص رائع ومنهجية

عالية ومعاني سامية

صح السانك وسلم بيانك

صح لسانك يابو ثامر

شاااعر مبدع في كل ماتعنيه الكلمه

وشهادتي فيك مجروحه

والى الامام يا حمدي

وصح لسانك مليوووون

تقبل مروري

صح لسانك وسلم بنانك وبيض الله وجهك

قصيدة في غاية الروعة والجمال الله يعطيك العافيه

دمتم بخير

الجبانه عيب والبخل ودروب الكبـر
والمجامل يتعب الروس لو هي شالته
والجمايل حظ من يشبر العليا شبـر
ماهي لخبل"ن" حياته قضت بضلالته



صح لسانك اخي الغالي

حمدي العوفي

الحقيقة قصيدة جزلة ولاهي غريبة عليك الجزالة طال عمرك

دمت بخير اخي الغالي حمدي

الاخ العزيز
رابح الجحدلي

صح بدنك يالغالي والله يعطيك العافيه
على تواحجدك الدائم والراقي

لاهنت لاهنت


تقديري لك