اي والله احبك .. وللــبـعد تاثير

مسـاء المحبه والوفــاء لأبناء العم الكرام

البارحه . ميــعــاد (هـــم وتــفاكـير) = مدري عزى يوم إن الأحلام ولّـت!!
كم لي على رجوى الليال المعاسير!! = وكم لي ورى غايات عمرٍ تعلّت!!
اللي كسـبـته.. مـايــجـي بالمخاسير!! = واللي خسرته دونــه الناس كلّت!!
ماراح راح .. وراضي ٍٍبالمقادير = مير إن غيبت صاحبي ويش خلّت!!
ياللي غيابك ماله آيات تبرير!! = طــاولتــني ليــن المــشــاريه حلّت!
وين أنت ياوجه الفرح والتباشير!! = يوم الظروف اللي علي اســـتــهلّت
إحتجتلك.. مانـي بمحتـــاج(للغير) = وخليـــتني لــظـــروف.. وقــت ٍٍ تولّت
كم له.. غلاك يسوق عنك (المعاذير)؟؟ = لين الضلــــوع مــن المــعاذير ملّت!!
مال العذر في بعض الآوقات تقدير.. = القــــدر قـــدرك .. والحـــقــيقه تجلّت
اي والله احبك ..(وللــبـعد تاثير) = أيقنت به.. يوم ان الافــكــار شِــلّــت

أتشرف بأرائكم

أخوكم : محمد الحربي

1433/2/10