ولمو لرنج مسموح القياده؟.......................................... .........

ولمو لرنج مسموح القياده=للعذارا اليوم صدر للقرارا
وين مي وين حور وين غاده=اركبن نبا نسير يم سارا
ومن وقف في دربنا حرب الاباده=اقسم اني لاقنصه مثل الحبارا
ماغوينا ولانسينا للعباده=ومن نوانا بشر نغلق له مسارا
لين روحه تنشوي شوي الجراده=مايبرد حرته شرب الزقارا
انتها وقت التحكم والقراده=والشبح شوفو لها قدم العمارا
من مكاسبنا مهر ولارفاده=ومن لها راتب عطينها الامارا
السواقةعندا بتصير عاده=مرتين وعقبها نقطع لشارا
خلو علوم الخكر وابو عراده=شوفو الغزلان في وقت المبارا!!
لارقن لطعس يامكبر هجاده=كن جرة رنجهن تخطيط حارا

هذه القصيدة رفع ضغط لاكثر ولا اقل لااحد الاخوان
وهي مزحة بيني وبينه وان كان فيها شيء من التداعيات لو ساقت المراة



اما عن سواقة المراة فالحق يقال ماهو من مصلحتها ابد ولا المجتمع متقبلها في الوقت
الحالي
المراة كل شيء عليها من البيت إلى تربية العيال خدمة الجميع
الحين تشتكي كيف لو ساقت مارح ياكلها غيرها
من جد مو من صالحها ابدا وان كان حجة من يطالب فيها الدوام وغيره
ممكن حل المشكلة بتوفير نقل خاص بالنساء الكل دائرة ويكون ملزم مثل نقل الطالبات الان
وانتهينا.

اما من تصر على السواقة ف اقولها بكل صراحة مو معجبك الامر اطلعي برا انتي وولي امرك
اللي يايدك في ذالك.

وهذه القصيدة تعبر عن رايي في الموضوع

ياللي على لف الاطارة تنهد=بالله قولي مكسبك وش مقامه
مقام بنقالي من الوقت منحد=سواق خادم للكفيل وعمامه!!!
خيب رجاك وخسرٍ جد ك الجد=لجلن مثلك غارقٍ بالبهامه
الناس تحسدنا على العز والمجد= وانتي تبين من السواقة فخامه؟!!
ياهيه ماطلب بهاغير ملحد=خسيس مبدا كسر الله عظامه
يبغى يشوفك وين مارح وان لد=يشوف ضبي الريم مرخي لثامه
كتبت روس اقلم واضنها تسد=ان كان عقلك باقين في تمامه
وان كان مامعجب حكم الموحد=فرقاك مكسب ياربيبة اوبامه
روحي مراح مقيط يا بنت من جد=روحي مراحٍ ماب دربه سلامه
المملكة لنا وحنا لها نسد=باخونا وابنانا والشهامه
وبخلاقنا والدين بنيانها يشد=وبكل مسلم صادقٍ في اسلامه
لاياطروش البحر غوري عن الحد=لاتقربين المملكة يا يمامه
رجالها تجرحك في مرهف الحد=سيفٍ على نهج النبي بالصرامه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

ياكحيله لو الحريم يسمح لهن بالسواقه
يمكن الرجال اذا بغى يداوم يدور السياره مايلقها
وينشد عياله وين السياره ثم قالو امي وصلت زميلتها مشوار
ههههههه
صح الله لسانك هل اخوك رد عليك بقصيده
واذا رد رايح يكون رايه مختلف

	المشاركة الأصلية كتبت بواسطة الحب الباقي

	صح لسانك مليون على القصيده والله يـعـطـيـك الـعـافيـــــــــــة بيض الله وجهك

صح بدنك لاهنت

ولاهان تواجدك

الرااقي

صح لسانك يالكحيله

ابداع ابداع
صح السانك والى الامام

صح لسانك الكحيله الله يعافيك

	المشاركة الأصلية كتبت بواسطة سعد المحمدي

	ياكحيله لو الحريم يسمح لهن بالسواقه يمكن الرجال اذا بغى يداوم يدور السياره مايلقها وينشد عياله وين السياره ثم قالو امي وصلت زميلتها مشوار ههههههه صح الله لسانك هل اخوك رد عليك بقصيده واذا رد رايح يكون رايه مختلف

في حال سمح لها بالقيادة يلزمه سيارة خاصة لها

ولا وش استفاد


نعم رد اخي فديت عيونه

وهذا رده
http://www.m-harb.net/vb/showthread.php?p=1387596#post1387596

صح بدنك لاهنت مستشارنا القدير

صح اسانك يالكحيله ماشاء الله عليكن يالحريم رنج على طول
الله يرحم حالنا يوم اتعلم السواقه معطيني الددسن الي يجيبون عليها الماء لافيها صدام ولارفرف
ههههههههههه

صح لسانك ليكون حديث نفس بس هههه