ساعي البريد

طلب أحد الزملاء أبيات من قريب له يريد أن يوجهها لقريب لهم أخر يطلب منه شىء ما ولكن أبيات قريبه وجد أنها لاتتناسب مع طلبه وخشى أن يفهمها من أرسلت له بغير مفهومها نظرا لخشونة الابيات وجفاف أسلوبها على حسب مرئياته


وطلب مني أبيات على نفس القافيه ولقد حققنا طلبه ...وأرجو أن تنال الاعجاب كلمات القريب ومجاراتي لها,,,,





أبيات قريب صاحبي





من تردد ساعة العازه بطا


مايلاقى حزة الشده سنيد




دايم الدنيا ترا أخذ وعطا


من يفيد اليوم بكره يستفيد




الرفيق الصح سترك والغطا


ودرعك وسيفك من الخصم الضديد




لو على جمر الغضا لأجلك وطا


زعلتك حزنه وفرحك يوم عيد





ردي ومجاراتي للأبيات السابقه






مع هبوب الريح مع سرب القطا


وصل السلام يا ساعي البريد




والله أني كل ما أطالي وطا


أتذكر نادر(ن) حر(ن) فريد




أفتخر وأشيد ولا فيها خطأ


ويستحق المدح رجال)ن) مجيد




نحمد الله مانبيله أوسطا


ياعزيز الذات ماأنت بالبعيد




بساعة الشدات من جهده عطا


ياحكيم الرأي والعقل الرشيد




فزعة المحتاج بالفزعه سطا


الرجال جبال لو شالت حديد

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة

صحت السنتكم وبيض الله وجيهكم
تقبلوا المرور والتحية

رابح الجحدلى و بن فرهود وحسين العبيدى

صحت ابدانكم والله لايهينكم على المرور وطيب الشعور

صح السنتكم يعطيكم العافيه

ابو هليل
صح بدنك والله لايهينك على المرور الطيب

,
,
,
صح لسانك وعلا شانك
والله يعطيك العافيه على الابيات الجزله
بيض الله وجهك
مع التحيه

ابو فياض النويمى

صح بدنك
والله يعافيك على المرور الرائع
والجزاله تكمن بمرورك وكريم شعورك
ووجهك ابيض
تقبل تحياتى