قرم ٍ على كسب المعاريف لبّه

من قديمي ارجو ان تحوز على رضاكم

ماني بحال الخبل لو كثر سبّه =واللي يسب الناس ينقال خناس
وده يغبّي هرجه اللي كتب به = مايحسب احسابه ولاعد الافلاس
وظّف مقام الشعر هرج ٍ وذبّه =وألبس مقام الشعر غيّربه ألباس
اليا امتلا بطنه يقوم ويصب به =هو يحْسبنه فارس القوم جساس
مايدري انه دايم الخبل كبّه = عاله على قومه وعاله على الناس
الشعر عن مثله يحشم ويهبّه = لو يتكلم قام واعطاه خمّاس
دوك الكلام اللي عطيب ٍ مطبّه =ياللي مع التصفيق جالك تهوّاس
الشعر خله للي أيزين نبّه = قرم ٍ نباه ينومس ويرفع الراس
قرم ٍ على كسب المعاريف لبّه =رجل ٍ يحب الطيب والطيب نوماس
واللي يقيس الشعر من كثر حبّه =ويرفع مقامه عن ردا كل دوّاس
واليا كتبت الشعر من كل غبّه = طلعت لوله والجواهر مع الماس
نقيتها نقو المزاين بخبّه = تشبه مغاتير الطهيمي راع الباس
الحربي اللي كل مجد ٍ يطب به = اللي نقاها بالعدد مالها قياس
يامل قلب حاسب الطيب طبّه =يعشق مقام اهل النواميس بحماس
واكتب غزل واقول للخبل تبّه =عندي علومه كنها انصاف واسداس
لو قلبي وشوق الهوا مالعب به = ولاحرك احساسي ولو كنت حسّاس
يردني سلمي ودين ٍ نضبّه = ملة نبيّ ٍ للأوادم هي السّاس
لاكن ابطرد ضيقت ٍ مستهبّه = ودلّه الخاطر ولو فيه هوجاس
من ظيم دنيا َ عسرها صار سبّه = عيت تماشيني على كل مرواس
وانا من اللي مجدهم ينحسب به = من ساس قوم ٍ لنواميس نبراس
شيهانة ٍ واصلي رفيع ٍ منبّه = وارفع مقام النفس عن كل مدناس

الشاعره منيره الحربي
صح لسانك ويعطيك العافيه

	المشاركة الأصلية كتبت بواسطة ابوهليل

	الشاعره منيره الحربي صح لسانك ويعطيك العافيه

ابو هليل صح بدنك وتشرف في مرورك عساني مخلا منك

يا سلام صح لسانك وشاعر ه من الطراز الاول
ولا يستغرب منك الابداع

	المشاركة الأصلية كتبت بواسطة ابو منيره

	يا سلام صح لسانك وشاعر ه من الطراز الاول ولا يستغرب منك الابداع

صح بدنك وعساني مخلا منك

اشكرك على المرور الكريم

الله...الله

صح السانك وبيض الله وجهك

على الراائعة لاعدمناك يا منيرة

	المشاركة الأصلية كتبت بواسطة العطيب

	الله...الله صح السانك وبيض الله وجهك على الراائعة لاعدمناك يا منيرة

العطيب صح بدنك ولاخلا ولاعدم



اعذب تحياتي لك

صح لسانك وسلم بنانك



قصيدة رائعه بروعة حضورك



لكي تقديري

	المشاركة الأصلية كتبت بواسطة فيصل حمود الوافي

	صح لسانك وسلم بنانك قصيدة رائعه بروعة حضورك لكي تقديري

صح بدنك يافيصل والرائع مرورك لاعدمتك

منيره الحربي
سلمها الله


صح السانك

وعلا شانك


لاعدمناك يامنيره



تحيتي وتقديري