يا مخــلـــــــــــــــــــــــــــــــــــــــــــد !!!!!!!!!!!!!!!!!!!!!!!!!

أول مشاركه لي في ملتقى القوافي ، قصيده وجهتها لأخي مخلد ،،،،،،،،،،،
أتمنى أن تحوز على رضاكم ،،،،،،،،،،،،،،،،،،

يا مخلد اليا اتقفلت فيك الأبواب = وضاقت بعينك كل داراً وسيعه
سجّ القدم وأشرف على كل مرقاب = واسلى الهموم ولن عصا الوقت طيعه
دنياك ذي ما بين غالب وغلاب = والناس أحد متبوع وأحداً تبيعه
أحداً تجيه بدون بذلات الأسباب = اهيه كذا تمشي بعكس الطبيعه
لو كان ما هو للمشاريف طلاّب = تمشي معه وتقدمه للطليعه
وأحداً لها يقبل وهي عنه مجناب = حتى ربيع الناس ما هو ربيعه
يشقى بها شايب ويشقى بها شاب = لو كان نفسه با لمراجل رفيعه
تنكرت للأصل دانت للأجناب = فيها تسيّد كل لاش ورجيعه
ولّى زمان أهل اللحى بيض الأشناب = وأقبل زمان يعزّ ناساً وضيعه
صحيح لا قام البخت كل شي طاب = وان نام تسهر والخلايق هجيعه
يا مخلد أنته ولد ذيباً بن ذياب = علي الحجيري اللي يعجزّ صنيعه

وسلامتكم

====@@ حسن الحجيري@@====