( قصيده في الفنّانه / نــوال الــكـويــتـــيـــه )

/
/
/
/
/
/
/
/
/
/
/

خاطري يرتاح لاغنّت نوال=تثّر ابمهجه طويل اعزوفها
حسّها يجبرك تبحر فالخيال=وفنّها يسحرك في معزوفها
ماتغنّي نصّ مابه وصف حال=واللحن يحلا بعبق احروفها
كنّها الكاتب للابيات الجزال=للمعاني تتصف بشغوفها
وترتقي بالاغنيه حدّ الكمال=وتدخلك في جوّها واضروفها
في عذوبة صوتها رونق جمال=همس دافي لالذان اشنوفها
عن سواها زود شمعة كرنفال=الهنوف اللي حسان اوصوفها
العيون السّود مع كحلّ الدّلال=وزين قامتها ورسم اكفوفها
والسّماحه سرّ في ذاك القبال=تسعد الجمهور يوم ايشوفها
لحضرة في حفل هيّ الاحتفال=من حضر يهتف فرح لوقوفها
تربط الحاضر بماضي لاتزال=ذكرياته شمس صعب اكسوفها
كوكباً فالشّرق والمجد المنال=وعندليب الفنّ ضمن اصفوفها
نهجها من نهجهم دون انتحال=فنّها مرموق محد ايعوفها
لجل هذا شفت شعبيّة نوال=كلّ يوم ايزيد رقم اولوفها

الشّاعر / خالد بن عبيد بن معتوق ألأحمدي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح السانك وبيض الله وجهك

صح الله لسانك
ولاهنت
وسلم فكرك وبنانك
دمت برعاية الله وحفظة