يا العولمة..

بسم الله الرحمن الرحيم
قصيدة بعنوان العولمة

الطيــب مـاله لا هـويه ولا حسـاب = ولا بـاقـيـن يـاكـود يـصـدر قـراره
قـرار سجنه من ورى مبهم البـاب = فـي عنـبـرٍ حـتى يجيـه إحتضـاره
جاه الـزمان اللي له إضروس وانياب = وغـطّـت عليه العـولمة والتجـاره
إبنوكهـا تصـرف نـذالـه ومشهـاب = وصبت على كبود الـنشاما مـراره
قـــانونهـا قـوقـل وبـبـي ووتـسـاب = وصار الجشع فيها يسمى شطاره
يـديــرهـا شيـطـان ويفـتّـل أشـنـاب = وتـخطيـط ليـلـه نـفّـذه فـي نهـاره
يـا لعولمه بتراب ولا يكفـي إتـراب = مــدام هـذا مُـخـرجِِـك يـا خـسـاره
أنتـي سـبـايـب ضيـم شـبٍ وشـيـاب = وانتـي سبـايـب وضـعـنا ونحداره
جسرك حواجز بين الاقراب واصحاب = واسمك مـلوث والمشـاكل إشعاره
قبـل نعـرفـك وضعنـا مـابه أنشـاب = والرجل يوفي حق ضيفه وجـاره
واليوم بعض الناس مايفتح البـاب = وديدن حياته منزوي وسـط داره
والمجلـس اللي مثثه زل واكـنـاب = يــدور دوره محتـفـظ فـي غـبـاره
وقبل نعرفك يامكثر الحب واحباب = والــــيـوم قـفّــى مـانـميـز إمـهـاره
وقبل نعرفك كل جرحٍ له اطباب = ونــقـدر نضمـد جـرحنا في مهاره
وعقبك غدينا بين شاري وجلاب = بـالـبـسـتـره مـابـيـن ثـلج وحـراره
ونعرف دوافع خطة اجناب واذناب = اللي لهم فـي غــزو الأسـلام غـاره
والسيف مايفعل بلا حد وانصاب = وابـن الـوطـن لازم يمـيّـز مـسـاره
مايتبع الموضه على كل هنداب = ودسـتـوره الـقــرآن غـايـة وقــاره
هذا زمانٍ فيه طامع وكذاب = ومـلـغـمٍ سـيـفــور يـبـغـى شــراره
ويا الله ياعالم خفيات الاسباب = نصرك وسترك جملته وإختصاره

الشاعر / سند مسند العريمه الحربي .

الشاعر الجزل
سند العريمه
صح لسانك على القصيده الهادفه
ومن عوايدك الجزاله يابو سعد

صح بدنك ياشاعرنا الكبير سعد المحمدي
وإشادتك نعتز فيها يا أبو تركي وتاج على راسي
ألف ألف شكر لك...

صح اسانك جزله اثابك الله

صح بدنك يالطالب وشكرا على مرورك وإطلاعك
ودمتم بخير

ياسلام ياسلام

لافظ فوك يالعريمه قصدت فاجدت بيض الله وجهك

شكرا يابوهليل وصح بدنك والله يجملنا وياكم وكل مسلم
الف الف شكر وتحياتي لكم.....

الشاعر القدير سند العريمه صح لسانك على هالابداع والجزالة الله يعافيك
تستحق الخمس نجوم واكثر بارك الله فيك

صح بدنك يااخي الشاعر فايز البشري وشكرا على الاشاده الله يرفع قدرك
ولاعليكم زود الله يحفضك.. لكم مني اجمل التحايا....

تسجيل تواجد في منبر الجزاله
صح لساانكـ
بيض الله وجهك