( خلّك حليم ولا تصير انتقامي )

/
/
/
/
/
/
/
/
/
/
/
/
/
/


هذه القصيده ارسلتها
لاحد الصدقاء بعد
ان طلب مني مشوره في موضوع له
اتمنى ان تنال إعجابكم

ياشاكي ٍ همّك تبي تطلب الشور=ابشر بشور ٍ ياصلك في كلامي
كلام واضح من هل العرف مقرور=وآخذ من العرّيف بصم البهامي
لاتعيش في دنياك خاطرك مكسور=دنياك ترضّخ للصّبور العصامي
واعرف ترى بالفعل سرحان مخبور=إلى عدى مايلتفت للهلامي
ابذل على غايتك ماكان مقدور=الحق مايحميه رجل انهزامي
واليا نويت اعزم ترى العزم دستور=لهل الهمم ويزيدهم بالمقامي
وان شفت ماعفته من الناس من جور=خلّك حليم ولاتصير انتقامي
الصبر به رفعه وراعيه منصور=والعفو شيمه بالرجال الكرامي
وحذراك تسلك منهج الحيف والزور=واخشى رقيب يراقبك ماينامي
والمعتدى مخزي وله يوم معثور=وان جاك ظلمه بشّره بالظلامي
هذا وجاك العلم والعلم به نور=ومن شاور العقّال يمشي نظامي

الشاعر / خالد بن عبيد بن معتوق ألأحمدي

الصبر به رفعـه وراعيـه منصـور
والعفـو شيمـه بالرجـال الكرامـي


صح لسانك ياخالد
شاعر رائع جداااااااااا
اشكرك على عطاك المتواصل
تحياتي لشخصك

الشاعر صقر المراقيب صح لسانك
عطيته الشور الصحيح
صح لسانك على القصيده تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك
اخوي خالد الاحمدي
قصيده رائعه
احترااامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

,
,
,
صح لسانك وعلا شانك
والله يعطيك العافيه على القصيدة الجزله
بيض الله وجهك
مع التحيه

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك



شاعر جزل



لك تقديري