عبرة لمن يعتبر

مرت علينا ليالي والدهر فينا تجبر وجار = سبعة سنين(ن) مضت والناس عانو من صنوف الدهر
حرارة الجو زادت والهوا كله ملوث غبار= والارض ضاقت بعد يبست مراعيها وكل الشجر
قالواتغير مناخ الكون والحبس الحراري دمار = هذا خبر جابه التلفاز ينذر عن حدوث الخطر
والناس قامت تبيع وتشتري في علم ماله قرار= احد(ن) مصدق وراع العقل ينفي كل هذا الخبر
العقل والدين قال الله ليا ماراد له حال صار = والجاهل اللي يصدق كل ماجابوه بعض البشر
الغيب يعلم به الخالق وله فالكون هدم وعمار = سبحانه اللي على ماراد فينا يستحق الشكر
ياجاهل (ن) في تصاريف الدهرخل العلوم الصغار = هذا دليلي واسوقه لك وفكر ياوسيع البصر
في ليلة(ن) من ليال العام يوم الله لطف بالديار = هبت علينا اليماني بالنسيم اللي يشيل الكدر
ساقت بخار المياه من البحار الى السما باقتدار = واهل التجارب يقولون اليماني يقتفيها المطر
ثم استمر النسيم وسرع ماشفنا السحاب الكبار = ودندن رعدها ولاح البارق اللي فيه خطف النظر
طاح المطر واستمر الغيث يهطل فالديار القفار = تجمع الوبل فالشعبان لين السيل منها حدر
اخضرت الارض والاشجار مخضرة وفيها الثمار = والبر فيه المراعي والعشب يزخر بزين الزهر
والطير غرد يجر الصوت بالالحان في كل دار = والبادية وسعوا مرحانهم من بعد زال القشر
واليوم حنا نشوف المزن في وسط السما له مسار = وحبس الحرارة لو انه زاد حده مايرد القدر
ماراده الله كان وقدرة الله فوق كل اعتبار = بعد القسا لين والله قال من بعد العسارة يسر
الله هو الواحد الفرد الصمد يختار كل اختيار = هذي تدابير خالقنا لنا عبرة لمن يعتبر
احد(ن) لياجاته الشدة يمل وحالته في انحدار = واحد(ن) على شدته صابروشأ ن الخيرين الصبر
يالله طلبناك ترحمنا وترزقنا الحيا والوقار = وتكثر الخير في الارض الوسيعة برها والبحر

صح لسانك مليون على القصيده
والله يعطيك العافيه
بيض الله وجهك

اخينا العزيز الحب الباقي
مرورك شرف لنا تقبل الشكر ومزيد الاحترام

صح لسانك على هذي القصيده الرائعه

شكرا اخي العزيز الروعة في مرورك تقبل تحياتي

الأخ العزيز والشاعر القدير حسين مريع العبيدي
صح لسانك وبيض الله وجهك على هذه القصيدة الجزلة
لقد نقلتنا من الحر الى المطر والربيع والوناسة
لاهنت لك التقدير والأحترام :

اخي العزيز نافع الحربي
شكرا لك على مرورك المشرف وهذا من طيبك يالغالي
تفضل بقبول التحية والاحترام

صح لسآنك ي خآل وعلا شآنك وبيض الله وجهك..
لاخلا ولاعدم ي رب ..
ودي وتقديري واحترآمي واعجآبي..
علي العبيدي..

	المشاركة الأصلية كتبت بواسطة العبيدي

	صح لسآنك ي خآل وعلا شآنك وبيض الله وجهك.. لاخلا ولاعدم ي رب .. ودي وتقديري واحترآمي واعجآبي.. علي العبيدي..

هلا وغلا يالبناخي
اسعدني مرورك
تقبل ودي وتقديري

صح الله لسانك
ولاهنت
وسلم فكرك وبنانك
دمت برعاية الله وحفظة