كشف الستاره

قم ياقلم واكتب قصيدي ولاباس=واكتب على العنوان كشف الستاره
واشيب عيني من فعايل بعض ناس=أنا اشهد أن اليوم مابه نعاره
اصبح صديقك يطعنك مابه احساس=عقب المعزه للفتايل شراره
واصبح قريبك يضرب اخماس وسدادس=وانته تهل الدمع وتقدح زقاره
من شين تشوفه كتمته بالاقواس=حكم زمانك ماترش الزباره
تضحك مع العالم وتضحك ومحتاس=لون جوك زايدن في غباره
ياهل العقل ماني على الناس عساس=ولا عظ يمنى قدمت لي خياره
الطيب عندي له طيب ٍ ونوماس=ولا قدر اجامل طيب ٍ شب ناره
من عادتي طيب وطيبي على ساس=ماغيره وقت الرخى والحضاره
ياللي تبون السالفه عند جساس=اللي رمى رمح ٍ ولا خطى عياره
مرحوم ياللي لك فالقلب مجلاس=يالصاحب الغالي فراقك مراره
يالله عسى الجنه مكانك والانفاس=والله يابوصالح تخون العباره
أي والله إن العمر ساعه ولاباس=والموت سنه والشهاده جداره
واشيب عيني من فعايل بعض ناس=القبر حفره والليالي شطاره
واموت في عزه وانا رافع الراس=واللي فقدنا مانحسبه خساره

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك يا ابن العم قمة الابداع والله ماهي غريبة يا جابري الابداع

لاهنت وصح السانك

تقبل التقدير والاحترام

وفقك الله

ومن قال سالم و غانم

صح الله لسانك

قصيدة رائعه بحق

تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك كثر حروفها واكثر والله

قصيدة جزلة بالحيل ، وكل قاف احسن من الثاني .


تحياتي

صح لسانك وسلم بنانك وبيض الله وجهك

قصيدة في غاية الروعة والجمال والأبداع الله يعطيك العافيه

دمتم بخير

صح لسانك
..
..
أسجل اعجابي بالقصيدة
..
ويعطيك العافيه ..

صح لسسسسا نك وبيض الله وجهك
قصيده جزله من شا عر جزل
تقبل مروري
في متصفحك