قصيده بغازي الزغيبي

هذي قصيده قلتها بعد ما وجه لي الشاعر العلم / غازي بن مغيران الزغيبي دعوه

امس العصر في عالي الرجم عديت=من غرب ضيده شفت مزمـى طميـه
وطـقـيــت بـيـبــان الـقـوافــي ونــاديـــت=وتـــــواردن مــثـــل الـضــوامــي عــلــيــه
قـالــن تـخـيـر فـــي معـانـيـك مـاشـيــت=اقــطــف زهــــور الـــــورد والـنـرجـسـيـه
لوكنـت بكتـب فـي دقـايـق مـيـة بـيـت=وإلابـــعـــد يــمــكــن تـــجــــاوزت مـــيــــه
لاكـــن مــــن زيــــن الـمـثـايـل تـنـقـيـت=لــلــي لــهــم فــــي ضــامــري مـقــدريــة
وللي طلع له بين كـل العـرب صيـت=مــواقــفــه تـــعـــرف وراعــــــي حــمــيـــه
لـلـضــد ســــم يـفـتــت الـكـبــد تـفـتـيــت=ومــــع الـرفـاقــه مـابـعــد شــفــت زيــــة
ياغـازي مغيـران مــن دعـوتـك جـيـت=وكــــل الـفـخــر يـاطـيــب الــفـــال لــيـــه
مــن ديـرتـي ضـيــده لـفـيـت وتعـنـيـت=حـــــــب وفـــــــاء لــلــعـــزوه الـسـالـمــيــه
ابــغـــى الـفــوايــد عـنــدكــم لاتـوحــيــت=وابـــــوي مـاخــلــى قــصـــورن عــلــيــه
يــقـــول خـــالـــط لــلــرجــال الـزنـاتــيــت=والــيــوم يــاغــازي حـفـظــت الـوصـيــه
ابغى اتعدل في قصيدي ليـا اخطيـت=خـطــا بـنـظـم الـبـيــت مــاهــي خـطـيــه
حـتــى يـجــي فـــي دنـيـتــي ماتـمـنـيـت=وارد عــلــى هــــداج صــبــح وعـشـيــه
والــعــذر يــاغــازي لـيـامــن تـقـهـويــت=ان كـــــان قــلـــت طـبــخــة الـشـاذلــيــه

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

صح لسانك ويستاهل ابن مغيران شاعر علم ويشرف في كل الميادين.

صح لسانك وبيض الله وجهك
قصيده جزله
نعم والف نعم بغازي يستاهل المدح

صح لسانك
ربي يعطيك العافيه

صح لسانك يانايف وابوطلال كفو المدح ولاهو غريب الوفا من اهله

تشرفت طال عمرك في قراءة قصيدتك وتقبل مني اجمل تحية

صح لسانك يانايف وابوطلال كفو المدح ولاهو غريب الوفا من اهله

تشرفت طال عمرك في قراءة قصيدتك وتقبل مني اجمل تحية

الاخ القدير حربي الاسياح

صح السانك واعتلا شانك وبيض الله وجهك

تسلم ياالذيب على هذي الشامخه الله يعطيك العافيه

دمتم على الف خير

صح لسانك ياحربي الاسياح وننتظر رد غازي

الشاعر القدير نايف الفريدي
صح السانك وبيض الله وجهك ووجه كل من اطرا وثنا

ولي معك اتصال على الجوال