وأنا صغير السن شلت المواجيب

وصلتني رسالتان على الجوال من أصدقاء ....طبعاً الرسائل ليست من قولهم ولكن من الرسائل المتداوله وقد لايعرفون من أصحابها الحقيقين ولكن أنا رديت وجاريت أكراماً لأصحابي


الرسالة الاولى

علمتني ياذيب أتعب على الطيب=ومن زود طيبك صار طيبي طبيعه

ردي على الرسالة

علمتني يا ذيب أبعد عن العـيـب=أبـعـد ولـو ضـاقـت عليه الوسـيـعه
طبقت درسك حافظه قبل ماأشيب=درسـن حـفـظـته صار ليه شـريعه
وأنا صغير السن شلت المواجيب=رقيت أنا روؤس الحصون المنيعه
الناس لو تخطئ عليه ولا تصيب=قـلـبي سـمـوح والـمشـاعـر رفيعه
الطيب وهـبه لعالم الـسـر والغـيب=لاشـك راع الطـيـب بـطـيـبه نطيعه

الرسالة الثانيه

سـلام وافـي لـلعـزيـزين ينقال=يبدأ مبادي النجم فى كل ليله
أعداد مايدرج من الكيف فنجال =بين الرجال أهل النقا والجميله

بك البقا ياللي لفا منك مرسال=أجمل سلام لكاسبين النفيله
أعداد ما هل السماء وبل همال=عد البروق وعد وبل المخيله
أعداد ماحطوا من الكيف بدلال=كيف(ن) معطر زعفرانه وهيله