شيول وقلاب

البارحه مابين شيول وقلاب=وربع بكالين(ن) تهد الغلا هد
يقولها اللي من عنا الحب منصاب=يقولها اللي كارهك كره من جد
ماعاد لك عندي مشاريه وعتاب=ماعاد لك عندي غلا سابق الود
القلب عافك ونجرح جرح ماطاب=خلك على صدك وانا بعد ابا صد
خلاص روح باينه كل الاسباب=خلاص انا عفتك وهذا هو الرد
أمزح معك يازين والقاف ماشاب=ماشيب لين إنك تبين له الخد
أنت الحبيب اللي له القلب طلاب=انته بساتين (ن) بها العطر والورد
أنت الحياه انت القمر بس ماغاب=انته مشاعر داخلي مالها حد
أنت الوفاء اللي يجمع قلوب الاحباب=أنته ليالي كل يوم (ن) تجدد
والله لو بكتب دواوين و كتاب=لاخذ ثمان أسنين في مفصل اليد
اقولها صادق ولاني بكذاب=من يوصف الجنه وهو حي ماشد
حبك بقلبي له قفل (ن) وله باب=محدن وصله كود طيفك ليا هد
وختامها خربت شيول وقلاب=بالمختصر كل البكالين ترقد

صح بدنك شاعرنا احمد قصيدة رائعه جدا والله يعطيك العافيه 0 لك تحياتي

صح لسانك ياأحمد والله يعافيك قصيدة جميلة

تحياتي

صح الله لسانك
ولاهنت
وسلم فكرك وبنانك
دمت برعاية الله وحفظة

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

صنت البدارني صح بدنك ولاهنت على المرور

لاهنت وصح السانك

تقبل التقدير والاحترام

وفقك الله

اخوي .الشاعر أحمد ..صح لسانك على ها القصيده
القصيده فيها اشيأ تسبب للفكر اربآك ...
مدري كيف اجمعها ..لاكن ماشألله على فكرك اللي جمعهأ

تحياتي ...اخوي احمد

الاخ مقاوول


صح السانك يااحمد


وعلا شانك


تحيتي وتقديري