على شانه مشيت اطول طريق وجيت ماحسيت

على شانه مشيت اطول طريق وجيت ماحسيت=هواء ذكراه تدفعني ويجذبتي هوى لاماه
على شانه تحديت الظروف القاسيات وجيت=رغم طول الطريق اللي يهددني عنى ممشاه
على شوفه على صوته عقب طول المغيب اشفيت=يسريني على درب الخطر لو طالبي مسراه
على بعده حاولت اصبر ولو ايام بس ازريت=عجزت اصبرعلى بعده ولوساعه عجزت انساه
خياله مايفارقني قبل حتى ليا صليت=عسى الله مايواخذنا ويجمعنا انا وياه
حاولت ادله حاولت اسلى حاولت اجمًع التشتيت=بذلت اقصى الجهود ولاقويت اصبرعلى فرقاه
على شاني على شانه بنينا للمحبه بيت=وتعذرت المصالح كلها لاجله ولاجل رضاه
على شانه كتبت الشعر فيه البيت بعد البيت=ابين خافي اشجاني واترجمها على معناه
علشانه نظمت اصدق بيوت الشعر ثم غنيت=رفعت الصوت بالحانٍ تهز الشوق لين اوحاه