قصيده اسندها على سلمان العطيشان.....نايف بن مياس

هذي قصيده بمناسبة بداية المقناص اسندها على رفيقي الصقار سلمان العطيشان

يالله ياللي ماخفتك الخوافي=ياللي فديت بكبش عبدك اسماعيل
عطني على ضني وعزة عفافي=واجعل طريق الخير قدمي تساهيل
ومن بعد ذكرك زان بدع القوافي=وركزت تفكيري لبدع التماثيل
واسنت للي ريف من جاه لافي=هيف السمين اللي يقلط من الحيل
بالموقف الغصاب فعله يشافي=لاقلت الشيمات بين الرياجيل
سلمان لامنه هبى كل هافي=حلال ما يصعب حفيد الحلاحيل
يا مسندي والصيف قفى وطافي=عقب السموم اللافحه برد الليل
غير المولع مايشوف اختلافي=واهل القنص تفرح ليا بين سهيل
لشملت خليت المدينه خلافي=لرضٍ عليها لاح برق المخاييل
ارتاح في جيانها والفيافي=يالله عساها باول الوسم للسيل
ارضٍ بها برق الدواغر تشافي=ولاهي لغير اهل الصقاره مداهيل
وبين المراتب شلت لي حر وافي=افجح قصير الساق ضافي سراويل
منه الحبارى ماتشوف العوافي=يلحق ليا صارت كبر حبة الهيل
وليا وصلها صكها بانحرافي=بالصايدين اللي سوات المصاقيل
ثم اعتلى وانكس لها باحترافي=واجهز عليها وافترس طيب الحيل
واليوم طاب ولا بقى مايضافي=إلا المعشى واجتماع المشاكيل
جمعة وفاء لاهل النفوس الخفافي=والكيف دار وزان جو التعاليل
هذا منى قلبي وهذا شفافي=لو قيل مالك بالصقاره محاصيل
ياللي تذمون الصقاقير كافي=مانتم على ذريتي آدم مكافيل
قد قلتها واعلنتها باعترافي=اهل الولع مايسمعون العواذيل
واسلم وسلم يالرفيق السنافي=لو مانعزك مانصتك المراسيل

نايف بن شليويح بن مياس الفريدي

صح لسانك اخوي نايف

وبيض الله وجهك على القصيده الجزله



راقت لي كثيرا

	المشاركة الأصلية كتبت بواسطة فايز المحيسن

	صح لسانك اخوي نايف وبيض الله وجهك على القصيده الجزله راقت لي كثيرا

صح بدنك واعجابك بها شرف لي

صح لسانك يانايف

صح لسانك اخوي نايف

وبيض الله وجهك

على القصيده الجزله

صح لسانك مليون على القصيده
والله يعطيك العافيه
بيض الله وجهك

صح لسانك
..
..
أسجل اعجابي بالقصيدة
..
ويعطيك العافيه ..

صح الله ابدانكم وبيض الله وجيهكم

الاخ القديرحربي الاسياح

صح السانك ودام ابداعك وبيض الله وجهك

تسلم ياالذيب على هذي القصيده الجزله والرائعه بروعة حضورك الغالي

دمتم على الف خير

صح الله لسانك
ولاهنت
وسلم فكرك وبنانك
دمت برعاية الله وحفظة