كان الْ نصف ريال خوذ اعشره

13-09-11, 09:51 PM

يالرّبع قولوا وش يسبِّب سلوك السفاف؟= اللِّي يعمّ القرَيِّب و البعيد اقشِره
يسوِّي شجيعن من اصناف الخطر ما يخاف= تسمع صليله الى مرّك و صوت اكفِره
الموتر اللِّي اصْطابِه منكسر من خلاف= و يسوقه اللِّي يبا فعله يجيب اخْبِره
مغير يمشي و يلعب بالسكك طاف، طاف= و لا شاف له واحدن راكد قَرَبْ و احْشِره
يطوف يَمْنَه و يَسْرَه يَغِرْفِه بانحراف= و لو كان قدمه بعيرن باركنّ اطمِره
تقول يطْرَدْ من الاعدا و صابه شعاف= حتى على الخط الاسود من وراه اغبَره
و لو قلت له ليش تسرع؟ قال لك شي حاف= يقول: كان الْك نصف ريال خوذ اعشره
هو ما درى ان الرّكاده ما تحمِّل كَلاف= و توفر القاز و المجهود و الفرْفرَه
حتى و لو كلفه ساهر مئات الا لاف= مهوب مهتم لو نشّف لابوه اكمِرِه
يا الله يا واحدن دايم بعبده يَرَاف= تاقى الغلَيِّم و تكفي المسلمين اخطِرِه

13-09-11, 09:57 PM

¨°o.O ( ×××××××) O.o°¨

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

13-09-11, 10:34 PM

الشاعر الصييفي
صح لسانك وعتلا شانك
تحياتي وتقديري

13-09-11, 10:56 PM


	المشاركة الأصلية كتبت بواسطة رابح الجحدلي


	¨°o.o ( ×××××××) o.o°¨ صح لسانك مليون على القصيده والله يـعـطـيـك الـعـافيـــــــــــة بيض الله وجهك