مسر مع الجدي و سهيل .. عبدالله القبع

السلام عليكم

قصيدتي الثانية .. أتمنى أن تصل لذائقتكم الشعريه ..

تفضلوا

/

ياليل فكري سارح فيك ياليل=ونجومك اللي باالسما سامرتني
أرقب لنجم الجدي واناظر سهيل=الفكر سارح والهموم ابتلتني
أسرح مع الافكار واحط واشيل=ضايق وشايل ضيقتي فوق متني
قم صب لي فنجال من دلة الهيل=قصيدتي يابو بدر عاودتني
ياماحلا باالقاف صوغ التماثيل=يوم القصيده ياعضيدي لفتني
ماني بجاهل في علوم الرياجيل=دنيا العنا والبهذله علمتني
أخذت منها دروس مجمل وتفصيل=يعنى على قول المثل درستني
يوم تذوقني لذيذ المحاصيل=واليوم الاخر كاس مر سقتني
فيها الفرح والحزن والعدل والميل=ياماخذت مني وياما عطتني
وخاويت فيها رجال طيب ومشاكيل=لاني بناسيها ولاهي نستني
أسج معهم واليالي تساهيل=وبهل الردى علاقتي ماربطتني
ومن صد عني ماقفيته مراسيل=عن المقفي عزتي مانعتني
والمقبل اقّبله ولو دونه النيل=المقصد اوصله لوالموت يتني
ما أخاوي اللي ينقل القال والقيل=ولا اشمت اللي باالمجالس شمتني
ولااقدر ابن اللاش لويذبح الحيل=أقدر رجال كفوا قدرتني
اللي يشوف البرق لايامن السيل=البدو بعلوم المطر خابرتني
هذا وانا مالي على الناس توكيل=لاهي بضارتني ولانافعتني
السالفه مسرى مع الجدي وسهيل=نجوم بعلوم مضت ذكرتني

عبدالله بن راضي القبع

صح الله لسانك
ولاهنت
وسلم فكرك وبنانك
دمت برعاية الله وحفظة

الشاعر عبد الله القبع صح لسانك وبيض الله وجهك شاعر جزل
قصيده من روائع القصايد تحياتي وتقديري

صح لسانك مليون على القصيده
والله يـعـطـيـك الـعـافيـــــــــــة

بيض الله وجهك

لاهنت وصح السانك

تقبل التقدير والاحترام

وفقك الله

لاهنت وصح السانك تقبل التقدير والاحترام وفقك الله

الاخ القديرالشاعرعبدالله راضي

صح السانك وبيض الله وجهك ودام ابدعك

تسلم ياالذيب على هذي القصيده الجزله والرائعه بروعة حضورك الغالي

دمتم على الف خير

الشاعر الجزل عبد الله

صح لسانك ملياررررررررر

والله على الابدع واهل الابداع

من جد قصيده جزله ونص فاخر من الطراز الرفيع
و فيه من الابداع والمتاع الشي الكثير
وايضاً من الصور الشعريه المذهله التى في غاية الروعه والجمال
وابدع في تصويرها شاعرها
وتنم عن شاعر متمكن من حروفه و احتوائه للفكره بصور الشعريه
وقادر على صياغة الابيات كيف مايشاء بسلاسه وعذوبه وتوصيل الفكره الى المتلقي

ولله درك كم ابدعت
ومافيك حيله وبيض الله وجهك
وننتظر جديدك

	المشاركة الأصلية كتبت بواسطة عبدالله راضي القبع

	السلام عليكم قصيدتي الثانية .. أتمنى أن تصل لذائقتكم الشعريه .. تفضلوا / ياليل فكري سارح فيك ياليل=ونجومك اللي باالسما سامرتني أرقب لنجم الجدي واناظر سهيل=الفكر سارح والهموم ابتلتني أسرح مع الافكار واحط واشيل=ضايق وشايل ضيقتي فوق متني قم صب لي فنجال من دلة الهيل=قصيدتي يابو بدر عاودتني ياماحلا باالقاف صوغ التماثيل=يوم القصيده ياعضيدي لفتني ماني بجاهل في علوم الرياجيل=دنيا العنا والبهذله علمتني أخذت منها دروس مجمل وتفصيل=يعنى على قول المثل درستني يوم تذوقني لذيذ المحاصيل=واليوم الاخر كاس مر سقتني فيها الفرح والحزن والعدل والميل=ياماخذت مني وياما عطتني وخاويت فيها رجال طيب ومشاكيل=لاني بناسيها ولاهي نستني أسج معهم واليالي تساهيل=وبهل الردى علاقتي ماربطتني ومن صد عني ماقفيته مراسيل=عن المقفي عزتي مانعتني والمقبل اقّبله ولو دونه النيل=المقصد اوصله لوالموت يتني ما أخاوي اللي ينقل القال والقيل=ولا اشمت اللي باالمجالس شمتني ولااقدر ابن اللاش لويذبح الحيل=أقدر رجال كفوا قدرتني اللي يشوف البرق لايامن السيل=البدو بعلوم المطر خابرتني هذا وانا مالي على الناس توكيل=لاهي بضارتني ولانافعتني السالفه مسرى مع الجدي وسهيل=نجوم بعلوم مضت ذكرتني عبدالله بن راضي القبع

جزالة ومعاني تجبر المتلقي على قراءتها مرات ومرات

صح لسانك أخي عبد الله وطابت معانيك وايامك

صح لسانك
والله يـعـطـيـك الـعـافيـــــــــــة