هذاك وجدي يوم للهم عنوان

السلام عليكم ورحمة الله وبركاته
للتواصل

احن للماضي وانا خاطري شان=واسامر الذكرى ونفسي شفوقه
قضيت ليلي بالهواجيس بلشان=لين انكشف نور الصباح بشروقه
احيان اقول القلب خافيه مابان=واحيان اقول القلب جفت عروقه
ياصاحبي لو الفرح مزن هتان=ماشفت جرحي زايدتن فتوقه
مير التوجد جاذب القلب بألحان=غنيتها والحزن لاحت بروقه
من يذكر الماضي ولو حاضره زان=يعوقه الوقت الغبر شر عوقه
راحو زحولن في ذرى الارض شجعان=عل الوسم لقبورهم هل موقه
وجدي عليهم وجد عودن به احزان=يكنها مير البــــلا في خفوقه
صابر وشايل ضيقته فوق الامتان=وصكات بقعاء في كنفها تسوقه
حاله تردى مالقى ربع واعوان=لو انها الفزعات ابسط حقوقه
هذاك وجدي يوم للهم عنوان=لاجيت اداوي القلب زادت حروقه
بصبر واجاهد علتي رغم ماكان=لإني شريت الصبر من طيب سوقه

لله درك يالوسيدي
قصيده رائعه
سامي الوسيدي
صح لسانك
تحياتي وتقديري لك

لاهنت ياسامي

الله يعطيك العافيه وصح لسانك مليوييييووون

صح لسانك ياسامي...قصيدة رائعة...أسجل اعجابي بها...بيض الله وجهك..

صح لسانك ياسامي بيض الله وجهك

صح لسانك ياسامي الوسيدي

صح لسانك اخوي سامي الوسيدي
وعلا شانك
قصيده جزله من شاعر جزل
احترااامي

صح لسانك مليون على القصيده
والله يـعـطـيـك الـعـافيـــــــــــة
بيض الله وجهك

	المشاركة الأصلية كتبت بواسطة العز نبضي

	لله درك يالوسيدي قصيده رائعه سامي الوسيدي صح لسانك تحياتي وتقديري لك

صح بدنك

شاكر لك مرورك العذب

لكِ جُل تقديري

دمتِ بود

	المشاركة الأصلية كتبت بواسطة حمود الجابري

	لاهنت ياسامي الله يعطيك العافيه وصح لسانك مليوييييووون

الله يعافيك

وصح كلك يابو حامد

وشاكر لك مرورك العذب

لك جُل تقديري