قصيدة بمناسبة حملة التضامن ضد الارهاب

هذه القصيدة قلتها في مناسبة حملة التضامن ضد الارهاب عام 1426 هــ

والمعذرة اذا كان هناك أخطاء أملائية

باسم منشي السحاب مداير الأفلاك رب الكـون=اببدأ وبتـدي باسمـه جليـل الملـك سبحانـه
وبعبر بتعبيري وانا ادري والعـرب يـدرون=وترى كل يعبـر عـن خفايـا قلبـه السانـه
انا منكر ومستنكر فعول باسم الطاغي المجنون=سفيهاً يطعـن أمـه بالسـلاح وييتـم اخوانـه
امغـروراً غرروبـه يدفعونـه كنـه البالـون=قالو له فجر بـلادك وجـاء يعمـه بطغيانـه
عقب شرب حلو ماها وملى من خيرها الماعون=تفاجت منه باعمـالً بهـا كـل البشـر دانـه
طعنها بثقل اسلاحه اطعنه بجسمـه الطاعـون=نسي يوم انها تحظنه عن اللاهـوب باحظانـه
امغروراً غره الشيطان وعمى قلب وعمى عيون=تناسى خيرهـا كلـه عقـب مغـواه شيطانـه
دخل مدخل هل الين ايتستربه وهـو صهيـون=تشايـم مافعـل فعلـه بأمـن داره ولا خانـه
ترى هذا ومن مثله عن الدين وهلـه يخسـون=ارهابي مصدر ارهابي ماتامن فيـه جيرانـه
انا مدري وش الدافع ورى هـذا وش يبغـون=مـادام ان البلـد يحكـم بشـرع الله وقرانـه
يبون ايزعزعون امنه وامن هذا الوطن مظمون=تحت حكم الفهد شامـخ علـى عـزه وبنيانـه
على عزه ولا هـزه كـلام الحاقـد المغبـون=لو حاول تفرقة شعباً حفـظ عهـده لسلطانـه
يدافع دون دينـه والمليـك وللوطـن مرهـون=يبيع الروح من دونه ويرخصها علـى شانـه
وطنا مانتهـا ونبـه علينـا غاليـاً مايهـون=عسى الله يحفظه بأمنه ويخـذل كـل عدوانـه
وطن من ثبت احدوده واخذه بسلـة المسنـون=شجيعاً شمَر ذراعـه واخـذه بفعـل ذرعانـه
مشى بسيفه على كيفه ماهاب اللـي وراه ودون=تسلح عزمـه القاسـي واخـذه بقـوة ايمانـه
مشى حافي على شانه دلليلة من معـه يمشـون=دليلتهـم ليـا ضاعـت دلايلـهـم بوديـانـه
سرى ليله هكا الليله وجاء في حتنـه المحتـون=قضبها وحكم القضبة على المصمـك وبيبانـه
خذا الشلفا وضرب فيها بنص الباب ابو كالون=وخذا حقه من ارجالً خـذوه وجـاب برهانـه
دخل قصره وجاء نصره وندا بالحكم مـأذون=ترى الحكم لبو تركـي بعـد ماثبـت اركانـه
بنى عبدالعزيز امنـه وثبـت للبـلاد اركـون=بعد ثبـت قواعدهـا نصـب للعـدل ميزانـه
وبقت درة خليجيه شريفه عرضهـا مصيـون=سعوديـه ومحميـه ورمـز العـز عنـوانـه
تحت راية هل العوجا ملوكاً للمواطـن عـون=عسى الله يرحم الميت ويجزى الحـي بحسانـه

أخوكم

صالح بن مضحي الحربي