اللغز ( 361 ) ويش رجل مايشير ولايشور=محلول=ربق البهم= من مهجرس الحرف

هذا لغز مزنجل من السهل الممتنع مايحله الا رجال ما كد دوخته الالغاز.ــــــــــــــــــــــــــــــــــــــــــــــــــ ــــــــــ

ويش رجل لايشير ولايشور= في عيونه يمسك الغر الغرير
ثابت معقد على الضعفه يجور= ولو قلبته صار منزلك الاخير

ياهلا يابو خالد

حياك الله وبيض الله وجهك على الالغاز الرائعة

ومثل هذا اللغز هو المطلوب لأنه من التراث خاصة بعد توفر الآلات الحديثة

وابا اطفي النور بالرغم من انه يكاد يضئ او هو كذلك

ولي تحفظ على ( مثواة الاخير ) والمناقشة بعد حل اللغز

اخوي ابو خالد الفريدي صح اللسانك والظاهر انك مانسيت البهم الا ان رمعتي مدحدره

ايه يابعدي يامهجرس

خلنا نفك الر......

ويجيب لنا لغز غيره البحر مايقضي ماشاء الله

الله يعطيك العافيه على هاللغز السهل
صراحة بلشنا باللي رقبته طويله ما خلينا شي
عندي رمعة لذا اللغز ((( الربق اللي في ماقفة سوق الغنم ))
عكسه (( القبر )) وشكرا للجميع ’’’,,,’’’,,,’’,,’,

صح السانك يابو خالد

مايفك من الذئب

ياسامي الفكر
مسبوق على الحل الريجيل مطعنينه وذابحينه من مهجرس الحرف وانت نازل
اما ملاحظتك يابوزياد والله كان اللغز يقول شطره الاخير
وان عكسته صار منزلك الاخير لكن حاولت ابعده لسهولته وقلت ان قلبته
ومع هذا مافيه فايده ماينفع الا اللي ارقبته طويله
اشكركم جميعا وصحت السنتكم

بيض الله وجيهكم يالربع جميعا

واللغز عطاة المرماع الاول مهجرس الحرف (( ربق البهم ))

وملاحظتي يابو خالد طال عمرك :

كلمة مثواة الاخير <<<القبر ليس المثوى الاخير

المثوى الاخير ياجنة يانار نسأل الله ان يجعلنا واياكم من اهل الجنة