حـربي وتـرهب عـزوتي كل طحطوح

أهدي لكم هذي المشاركة ( القصيدة ) وهي للشاعر الكبير :
مبشر بن مرزوق الحثل السالمي الحربي
أترككم مع القصيدة :

سميت باسم مكون الكون سبحان =محيي العظام ونافخ بالجسد روح
هو واهب الهيبه نبيه سليمان =وحكم النجاره واهبه للنبي نوح
باسماه للمومن حمايه عن الجان =وتوبة خطا عبده لها الباب مفتوح
واباجتهد واصيب واخطي وانا انسان=وخطا ماهو مقصود بالعذر مدموح
وكان القبيلة قلب والشاعر لسان=مشاعر الشعار بامجادها شحوح
كم شاعر فكره بالابداع مليان =وحلقه على تجريح الأمجاد مبحوح
مادام مالفوا على الجسم الأكفان=والله لااشيد بمجد الاجداد وابوح
مارضى يقال غريس ولا ابن برمان=وانا اعتزي عزوة سوالم ومسروح
عزوة لها في قمة المجد عنوان=حربي وترهب عزوتي كل طحطوح
بفعل مضى له قبل الامان برهان=وقول بلا برهان ضحضاح ويزوح
ندون البرهان في كل ديوان=بفعل يزويح جروح ويغمق جروح
بشلفا ورمح وخطام وسنان وعنان=وقول وفعل ماهي سواليف ومزوح
سقنا العدا سوق المثيرة لربان=والحي مارد النقا بثار مذبوح
تاريخنا حافل بسيات واحسان=منا ولنا مجد ينابيعه تفوح
تأذن به الشيبان بسموع شبان=ولا مات من فعله بذكراه ممدوح
لنا ثلاثة ملك مامثلهن كان=نفدا الخوي والجار بالمال والروح
وناسم عصا العاني علشان مايهان=وبسلمنا دم النقا فيه مسفوح
وشهودهن بالصك شمر ومطران =حتى نقول العلم مقفي ومنطوح
وفي قارة الأسلاف شيد لسلفان=بيت ذرى وظلال عن كل لافوح
ابن نحيت ليا اعتزوا فيه صدقان=خلا المشوك في دجى الليل له ضوح
يبشر بعز من اعتزى باسم مزنان=نسوان عدوانه زغاريدها النوح
احفاد من للمصطفى اصحاب واعوان=ولهم مع الهادي غزوات وفتوح
ويوم ان نجد لقرح الخيل ميدان=كم حد ممنوع لنا صار مسموح
بشريدة الفرسان والسيف فسقان=كم عين طماع كحلها بذرنوح
لا اومى بدس الطير راحوا شبختان=له عزوة يرهب بها كل مشفوح
ومحمد ابا الروس كم راس طمعان=بحد اللويصق عن تراقيه ممسوح
فعل يسمى به هاكاليوم للآن=اسمه مع هل المجد ماهوب مسنوح
ومجوز العزبان زيزوم الأضعان=لولا الفعل ماجاله الاسم مملوح
من رافق سعيد رجع معه كسبان=ماقالوا الذكري رجع مثل مايروح
ووثايق التاريخ باسم المضيان=لولا ولد موسى تعرض لساموح
ولولا الحقايق ثابته لاهل الشان=رجع بها فايز على حرب مكسوح
ماهو تنبي للحدث مثل كران=جاب الخبر من يوصله عزم وسفوح
بدلايل مادلها كل شرهان=قص الأثر للذاهبه مبعد الشوح
واقتادها قود المطايا بالأرسان =ويالمبصر اقرا ويالعمى تابعه واوح
مدونه للي للأمجاد ضرمان=بعذب الشراب وزاد ميدم ومملوح
وياللي تقول بما احتوى ماني قنعان=افزع ولا اقول الخطر عنك مطروح
أما يجي مفزاع قابوس لعمان=ولا مثل فاروق والموج واللوح
للطايره كبتن وللسفن قبطان=ولا جاب جوهرة البحر كل سابوح
ورعية معها جنبها ورعيان=وشهودها بأفعالها شمخ تلوح
والهاملة مخلصت دين ديان=ولايقتعد راس على الزيف مسدوح
وبيت بلا بيبان لو فيه سكان=الباب عن صلف الهوا فيه مصلوح
قلته وانا بتقصير تعبيري مدان=مير القريحة وقعت في صفا صوح
والشعر له نقاد تعبير واوزان=وماقل دل وزبدة العلم منضوح
وليا اعتبرتوا غلطتي كبوة حصان=من عرضكم يااهل الوفا الصدر مشروح

صح لسان الشاعر الكبيرمبشر بن مرزوق الحثل السالمي الحربي

وسلمت يمناك اخوي كلاشنكوف الحربي


ع هذه القصيده الجزله

لاهنت

لاهنت كلاشنكوف حرب على نشرهذه القصيدة القيمة تشكر على ذلك
لكن عندي تصحيح الشاعر هو زيد بن مبشر الحثل
شكرا لك

الاخ كلاسنكوف مشكور على النقل
وصح لسان شاعرنا الكبير مبشر مرزوق الحثل الحربي
كما عوتنا ماتجيب الا الجزل تحياتي وتقديري

بارك الله فيك , مجهود تشكر عليه ,,,,,

الله يـعـطـيـك الـعـافيـــــــــــة على الاخـــتيار المــوفــق
وصح لسان قايلها وناقلها
بيض الله وجهك

صح لسان شاعرنا الكبير/ زيد بن مبشر الحصني

و يستاهلون امراء حرب هذه الجزالة

صح لسان مبشر الحثل وبيض الله وجهك اخي كلاكنشوف على حسن الأختيار

من القصائد ذات المعنى الشامل والتعريف الواضح بمأثر حرب

على لسان ابناءها من شعراء* وفرسان ومشائخ

ومن تاريخ حافل بالبطولات والخصال الحميده والتي اجتمعت في قبيلة حرب ولم تحدث في اي قبيله سواها

الله يعطيك العافيه

لك كل التقدير

الاخ كلاسنكوف مشكور على النقل
وصح لسان شاعرنا الكبير مبشر مرزوق الحثل الحربي
كما عوتنا ماتجيب الا الجزل تحياتي وتقديري

صح الله السان الشاعر مبشر الحثل



عزالله انه قصيده وافيه وابيات مليانه